Мікалай Мікалаевіч Іаскевіч (нар. 27 чэрвеня 1958, в. Падвялікае, Дзятлаўскі раён, Гродзенская вобласць) — беларускі ўрач-хірург. Доктар медыцынскіх навук (2005), прафесар (2008). Член Беларускай асацыяцыі хірургаў, Расійскага таварыства ангіёлагаў і сасудзістых хірургаў.

Біяграфія

Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1981; аспірантура, 1989).

Працаваў у Міністэрстве аховы здароўя Рэспублікі Ангола (2010—2016, Цэнтральны шпіталь г. Лубанга, правінцыя Уіла), Гродзенскім дзяржаўным медыцынскім універсітэце (1983—2010 і з 2016, лячэбны факультэт, 1-я кафедра хірургічных хвароб, прафесар).

Навуковыя інтарэсы: хірургічная гастраэнтэралогія; рэканструкцыйная хірургія аклюзійна-стэнатычных пашкоджанняў брушной аорты, перыферычных і брахіяцэфальных артэрый, рэцыдыўнага спантаннага пнеўматоракса; колапракталогія; патагенетычныя асновы реперфузійна-аксігенацыйнага сіндрому; укараненне нанатэхналогій у хірургію; ваенна-палявая і трапічная хірургія.

Узнагароды

Ганаровая грамата Міністэрства аховы здароўя Рэспублікі Беларусь і Рэспубліканскага камітэта Беларускага прафсаюза работнікаў аховы здароўя і інш.

Зноскі

Спасылкі

• Іаскевіч Мікалай Мікалаевіч на сайце анлайн-энцыклапедыі «Беларусь у асобах і падзеях»
• Иоскевич Николай Николаевич // Учёные Беларуси (руск.)