| Махамед Юніс аль-Ахмед | |
|---|---|
| араб. محمد يونس الأحمد | |
 | |
| Дата нараджэння | 1949 |
| Грамадзянства | |
| Веравызнанне | іслам суніцкага толку |
| Партыя | Баас |
| Асноўныя ідэі | баасізм |
| Род дзейнасці | палітык, партызан |
Махамед Юніс аль-Ахмед аль-Мувалі (араб. محمد يونس الأحمد; нар. 1949) — высокапастаўлены член іракскай партыі Баас, кіраўнік падпольнай арганізацыі «Аль-Аўда», актыўны арганізатар партызанскіх аперацый супраць сіл міжнароднай кааліцыі падчас Іракскай вайны 2003—2011 гадоў[1].
Біяграфія
Ахмед нарадзіўся ў 1949 годзе ў Аль-Мавале ў правінцыі Масул[2] і падняўся ў шэрагах іракскай партыі Баас пры кіраванні Садама Хусейна. Першапачаткова ён служыў ва ўпраўленні палітычнага кіраўніцтва іракскай арміі, якому было даручана забяспечыць кантроль над ваеннымі, а затым стаў старэйшым членам ваеннага бюро партыі[3].
Хоць да моманту ўварвання ў Ірак у 2003 годзе Ахмед уваходзіў у склад вышэйшага камандавання партыі Баас, Злучаныя Штаты не надавалі першароднага значэння яго злове да таго часу, пакуль не прайшло некалькі месяцаў пасля падзення баасісцкага ўрада, ненаўмысна даўшы Ахмеду дастаткова часу, каб схавацца[3].
На той момант ён стаў адной з вядучых фігур сярод іракскіх паўстанцаў і галоўным партыйным супернікам Ізата Ібрагіма аль-Дуры[4]. У 2006 годзе іракскі ўрад сцвярджаў, што ён быў «аператыўным лідарам», «фінансавым пасярэднікам» і палявым камандзірам паўстанцаў-баасітаў.
Падчас вайны аль-Ахмед у асноўным жыў у Сірыі, будучы абвінавачаным іракскім прэзідэнтам Нуры аль-Малікі ў тым, што ён кіруе баявымі дзеяннямі суніцкіх паўстанцаў унутры Ірака[5]. Па словах журналістаў Майкла Вайса і Хасана Хасана, прэзідэнт Сірыі Башар Асад у нейкі момант паспрабаваў зрабіць аль-Ахмеда лідарам іракскіх паўстанцаў-баасістаў. Аднак іншыя паведамлялі, што яго арганізацыя, Аль-Аўда мае шмат шыітаў на пасадах сярэдняга ўзроўню і прывабна для некаторых былых шыітаў-баасістаў з паўднёвага Ірака[3]. Лічыцца, што шыіцкія паслядоўнікі Юніса актыўны ў Паўднёвым Іраку[6]. Акрамя таго, арганізацыя Ахмеда сканцэнтравана на забеспячэнні палітычнай рэабілітацыі, амністыі і рэпатрыяцыі выгнаннікаў-баасістаў, у адрозненне ад арміі Накшбандзіі, што хоча гвалтоўна звергнуць іракскі ўрад, створаны амерыканцамі[7].
У кастрычніку 2020 года, у сувязі са смерцю ад-Дуры, заходнія крыніцы лічылі яго найбольш верагодным кандыдатам на пасаду сакратара іракскага Баас.
Гл. таксама
Зноскі
- ↑ Iraq Releases Most-Wanted List - CBS, 3 July 2006
- ↑ Consolidated list of financial sanctions targets in the UK - HM Treasury
- 1 2 3 Rafid Fadhil Ali. Reviving the Iraqi Ba'ath: A Profile of General Muhammad Yunis al-Ahmad. Jamestown Foundation (9 лютага 2009). Праверана 6 August 2018.
- ↑ Battle for New Leader Likely The Guardian, 1 January 2007
- ↑ A conflict over 15 billion dollars between Izzat Al-Duri and Mohammed Younis al-Ahmed Архівавана 28 кастрычніка 2007. Iraq Directory, 16 November 2006
- ↑ Al-Awda Party and the Ba’athist Dream of Return in Iraq
- ↑ Gulf States Newsletter. Washington Institute
Спасылкі
- Cordesman, Anthony H.; Baetjer, Patrick (2006). Iraqi Security Forces: A Strategy for Success. Westport; London: Praeger.
{{cite book}}: Няправільны|ref=harv(даведка) - Hafez, Mohammed M. (2007). Suicide Bombers in Iraq: The Strategy and Ideology of Martyrdom. Washington D.C.: United States Institute of Peace. ISBN 978-1601270047.
{{cite book}}: Няправільны|ref=harv(даведка) - Weiss, Michael; Hassan, Hassan (2016) [1st pub. 2015]. ISIS: Inside the Army of Terror (2nd ed.). London; New York City: Regan Arts. ISBN 978-1941393574.
{{cite book}}: Няправільны|ref=harv(даведка)
