Маскоўскі міжнародны кінафестываль
Кінатэатр «Пушкінскі».
Кінатэатр «Пушкінскі».
Агульныя звесткі
Дата з 1935 года
Месца
44.moscowfilmfestival.ru (руск.)​ (англ.)

Маскоўскі міжнародны кінафестываль — кінафестываль, праводзіцца ў Расійскай Федэрацыі ў горадзе Масква, мае акрэдытацыю Міжнароднай федэрацыі асацыяцый кінапрадзюсераў. Праходзіць у канцы чэрвеня, доўжыцца дзесяць дзён. Другі найстарэйшы кінаагляд свету (пасля Венецыянскага кінафестывалю).

Перадгісторыя

Упершыню Маскоўскі кінафестываль адбыўся ў 1935 годзе па загадзе Сталіна. Ён называўся «Савецкі кінафестываль у Маскве». Карціны даслалі з дзевятнаццаці краін. Адкрыццё адбылося 21 лютага ў кінатэатры «Ударнік». Старшынёй журы быў Сяргей Эйзенштэйн. У склад журы ўваходзіў Усевалад Пудаўкін.

У конкурсе ўдзельнічалі фільмы рэжысёраў-класікаў: «Хлеб наш надзённы» Відара, «Клеапатра» дэ Міля, «Маленькія жанчыны» К’юкара, «Прыватная жыццё Генрыха VIII» Корды.

Конкурсную праграму Фестывалю адкрываў фільм «Чапаеў». Кінастудыі «Ленфільм» быў прысуджаны Першы прыз за праграму фільмаў «Чапаеў», «Юнацтва Максіма», «Сяляне». Прэмій фестывалю ўдастоіліся таксама француз Рэнэ Клер за стужку «Апошні мільярдэр», а таксама мультыплікацыя Уолта Дыснея. Таксама прыз атрымала карціна Аляксандра Птушко «Новы Гулівер», якую высока ацаніў Чарлі Чаплін.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.