Макс Моўшавіч Шляймовіч

Макс Моўшавіч Шляймовіч
Макс Моўшавіч Шляймовіч
Дата нараджэння	14 кастрычніка 1941 (82 гады)
Месца нараджэння	Пенза, Пензенская вобласць, РСФСР, СССР;
Альма-матар	Сярэдняя школа № 4; Мінскі будаўнічы тэхнікум (1960); БПІ (1969);
Месца працы	Мінскпраект; Віцебскграмадзянпраект[d]; БелНДІПгорадабудаўніцтва; Наваполацкі філіял Віцебскграмадзянпраекта[d]; Полацкі дзяржаўны ўніверсітэт імя Ефрасінні Полацкай;
Партыя	КПСС;
Член у	Саюз архітэктараў СССР; Беларускі саюз архітэктараў;
Прэміі

Макс Моўшавіч Шляймовіч (14 кастрычніка 1941, г. Пенза) — беларускі архітэктар.

Біяграфія

Бацькі паходзілі з Мінска. Пасля пачатку Вялікай Айчыннай вайны маці ўдалося эвакуіравацца ў Пензу^[1], дзе 14 кастрычніка 1941 года і нарадзіўся Макс. Бацька прайшоў усю вайну, а пасля яе заканчэння некаторы час служыў у Германіі, куды да яго пераехала жонка з сынам. У 1947 годзе бацьку дэмабілізавалі, сям’я вярнуліся ў Мінск. Маці ўдалося атрымаць пакой у кватэры на вуліцы Даўгабродскай каля вайсковых могілак^[1].

Скончыў Сярэднюю школу № 4. Пасля пайшоў вучыцца на будаўніка ў Мінскі будаўнічы тэхнікум, дзе пасябраваў з сынам знакамітага беларускага архітэктара Авеля Пінхусавіча Брэгмана, пад уплыў яго ён трапіў^[1].

Пасля заканчэння тэхнікума працаваў у 1960—1961 гадах тэхнікам-архітэктарам ў Мінгарпраекце^[2]. Тры гады служыў у Савецкай Арміі ў Маскве, дзе яму дазволілі наведваць падрыхтоўчыя курсы пры Маскоўскім архітэктурным інстытуце^[1].

Дэмабілізаваны ў 1964 годзе, вярнуўся ў Мінск^[1], дзе паступіў ў БПІ, які скончыў у 1969 годзе. У 1969—1971 старшы архітэктар Віцебскага філіяла інстытута «Белдзяржпраект», 1971—1981 галоўны архітэктар Наваполацка (адначасова у 1981—1988 гадах кіраўнік майстэрні БелНДІПгорадабудаўніцтва)^[2]. У 1987—1988 гг. на базе архітэктурнай майстэрні і падраздзялення «Віцебскграмадзянпраект» у Полацку быў створаны Наваполацкі філіял. Працаваў да 2003 года галоўным архітэктарам філіяла. З 2004 года выкладчык кафедры «Архітэктура» Полацкага дзяржаўнага ўніверсітэта^[1].

Член Саюза архітэктараў СССР з 1976 года. Член КПСС з 1964 года^[3].

Творачасць

Асноўныя работы ў Наваполацку: удзельнік рэалізацыі генеральнага плана горада (1969), праекта дэталёвай планіроўкі, праектаў забудовы мікрараёнаў 4, 5, 6, 7, 8, 9, шэрага жылых і адміністрацыйных будынкаў (Дзяржаўная прэмія БССР 1984)^[2]. Удзельнічаў у распрацоўцы мікрараёнаў 1 (1988—1989) і 2 (1998) жылога раёна «Аэрапорт» у Полацку, праекта школы № 18^[1].

Сям’я

Мае дачку (нар. 1969).

Зноскі

1 2 3 4 5 6 7 М. М. Шлеймович: «Архитектор — это художник, инженер и ученый!» Архівавана 5 снежня 2020.
1 2 3 Шляймовіч Макс Моўшавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
↑ Шлеймович Макс Мовшевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

Літаратура

Шляймовіч Макс Моўшавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Шлеймович Макс Мовшевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

Спасылкі

М. М. Шлеймович: «Архитектор — это художник, инженер и ученый!» Архівавана 5 снежня 2020.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[intervju-1] 1 2 3 4 5 6 7 М. М. Шлеймович: «Архитектор — это художник, инженер и ученый!» Архівавана 5 снежня 2020.

[АБ-2] 1 2 3 Шляймовіч Макс Моўшавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

[3] Шлеймович Макс Мовшевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

[1]

[2]

[3]