Магнетыт
Магнетыт
Формула FeO·Fe2O3
Сінгонія кубічная
Колер Жалезна-чорны
Колер рысы Чорная
Бляск Металічны
Празрыстасць Непразрысты
Цвёрдасць 5,5—6
Злом ракавісты
Шчыльнасць 4,9—5,2 г/см³

Магнетыт (састарэлы сінонім — магнітны жалязняк) FeO·Fe2O3 — мінерал чорнага колеру, валодае моцнымі магнітнымі ўласцівасцямі. Назва — ад антычнага горада Магнес у Малой Азіі.

Уласцівасці

Крышталі кубічнай сінгоніі (структура шпінелі). Колер чорны. Бляск звычайна металічны, але часам бывае густа-смаляны або матавы. Непразрысты. Цвёрдасць 5,5—6. Шчыльнасць 4,9—5,2. Часам назіраецца недасканалая спайнасць па (111). Залом ракавісты або няроўна-ступеністы.

Парашок павольна раствараецца ў HCl.

Мае магнітныя ўласцівасці. Можа змяняць паказанні компаса. Па гэтай прыкмеце яго можна знайсці: стрэлка компаса паказвае на магнетыт і яго залежы.

Можа сцірацца ў пясок, які не губляе магнітных уласцівасцяў. Пры паднясенні магніта магнетытны пясок прыцягваецца да канца восяў магніта.

Літаратура

  • Геаграфія ў тэрмінах і паняццях. Энцыклапедычны даведнік. Мн.: Беларуская энцыклапедыя, 2003. — С.184
  • Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С.476.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.