МАЗ-5309
Вытворца	МАЗ
Месца вытворчасці	Мінск, Беларусь
Гады выпуску	2008—ц.ч.
Колавая формула	4x4
Храналогія
◄ МАЗ-5434, МАЗ-5316
МАЗ-5309 на Вікісховішчы

МАЗ-5309 — беларускі паўнапрывадны буйнатанажны грузавы аўтамабіль павышанай праходнасці, які выпускаецца Мінскім аўтазаводам з 2008 года. Належыць да сямейства грузавікоў МАЗ чацвёртага пакалення («сямейства МАЗ-6430»).

Апісанне

МАЗ-5309 — двухвосевы грузавы аўтамабіль са сталым поўным прывадам для перавозкі грузаў па ўсіх відах дарог. Выпускаецца як бартавы аўтамабіль або шасі.

Кабіна — кароткая, з нізкім дахам, двухмесная. Па заказу можа абсталёўвацца адкідным спальным месцам: для адпачынку кіроўцы трэба скласці спінкі абодвух сядзенняў, адшпіліць рамяні, якія ўтрымліваюць паліцу на задняй сценцы кабіны, і раскласці яе. Падвеска кабіны — чатырохкропкавая, спружынная, з гідрапад’ёмнікам і гідразамкамі. Для пажарных машын завод выпускае спецыяльнае шасі з падвойнай кабінай.

Мадыфікацыя МАЗ-530905 абсталёўвалася рухавіком ЯМЗ-238ДЕ2 з турбанаддзіманнем і інтэркулерам, магутнасцю 330 к.с. Счапленне — аднадыскавае, дыяфрагменнае, адцяжнога тыпу, з гідрапрывадам і пнеўмаўзмацняльнікам. Каробка перадач — ЯМЗ-239, механічная, дзевяціступеньчатая, з планетарным дэмультыплікатарам.

Раздатачная каробка — двухступеньчатая (вышэйшая перадача — 0,98, ніжэйшая — 1,6), уніфікавана з трохвосевымі мадэлямі. Міжвосевы дыферэнцыял — блакаваны, несіметрычны. Масты — з планетарнымі ступічнымі рэдуктарамі. Міжколавыя дыферэнцыялы — блакаваныя, з электрапнеўматычным прывадам.

Падвеска — залежная, рысорная, на абодвух мастах усталяваныя стабілізатары папярочнай устойлівасці. Тармазы — барабанныя, з ABS. Колы — з шынамі 14,00х20 (аднаскатныя колы, з сістэмай рэгулявання ціску), або з шынамі 12,00х20 (у варыянце, калі на заднім мосце ўсталяваныя двухскатныя колы).

Мадыфікацыі

Пажарны аўтамабіль АЦ-4-60 515М на шасі МАЗ-530927 з падвойнай кабінай МАЗ-437212

МАЗ-5309RR

• МАЗ-530905 — мадыфікацыя з рухавіком ЯМЗ-238ДЕ2 магутнасцю 330 к. с.
• МАЗ-530927 — мадыфікацыя з рухавіком Weichai Power WP10.380.
• МАЗ-5309M4-8620-061 — мадыфікацыя з рухавіком Mercedes-Benz OM 936 LA экалагічнага стандарту Еўра-6 (радны, шасціцыліндравы, аб’ём — 7,7 л, магутнасць — 300 к.с., максімальны круцільны момант — 1200 Н·м.). Каробка перадач — ZF 9S1310 TO, механічная, дзевяціступеньчатая. Таксама мае вялікую кабіну тыпу МАЗ-5440 з нізкім дахам. Пярэдні мост — мадэлі 6432H9 (нагрузка 7 400 кг), задні — мадэлі 5309М4 (нагрузка 11 500 кг). Шыны — 395/85R20. Быў паказаны ў 2019 годзе^[1].
• МАЗ-5309RR — спартыўны аўтамабіль каманды «МАЗ-СПОРТаўта».

Спецыяльныя машыны на шасі МАЗ-5309

• АКСМ-950101 — вахтавы аўтобус, распрацаваны «Белкамунмаш». Прадстаўлены ў 2008 годзе. Замест грузавой платформы на шасі ўсталяваны пасажырскі кузаў-вагон, выраблены з прасаваных шклапластыкавых панэляў замацаваных да металічнага каркаса. Колькасць месцаў — 22^[2].

Крыніцы

Літаратура

• Среди нехоженых дорог(руск.) // За рулём : часопіс. — 2005. — № 5. — С. 152.
• К. Ушанов МАЗ-530905 – двуликий внедорожник(руск.) // ГрузовикПресс : часопіс. — 2006. — № 3.

Спасылкі

• На Вікісховішчы ёсць медыяфайлы па тэме МАЗ-5309