Лімфатычная сістэма чалавека

Лімфатычная сістэма (лац.: systema lymphaticum) — частка сасудзістай сістэмы млекакормячых, дапаўняе сардэчна-сасудзістую сістэму. Яна адыгрывае важную ролю ў абмене рэчываў і ачышчэнні клетак і тканак арганізма. У адрозненне ад крывяноснай сістэмы лімфатычная не з’яўляецца закрытай і не мае цэнтральнай помпы. Лімфа, якая цыркулюе ў ёй, рухаецца павольна і пад невялікім ціскам.

Лімфатычная сістэма дапаўняе дзейнасць сардэчна-сасудзістай, дапамагаючы вяртанню з тканкавай вадкасці бялкоў і іншых рэчываў. Яна прадстаўлена лімфатычнымі вузламі і сасудамі.

У структуру лімфатычнай сістэмы ўваходзяць:

• лімфатычныя капіляры
• лімфатычныя сасуды
• лімфатычныя вузлы
• лімфатычныя ствалы і пратокі

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі