Леў Васіль Сапега
Leon Bazyli Sapieha
Леў Васіль Сапега
Герб «Ліс»
Надворны падскарбі літоўскі 1681 — 9 лістапада 1686
Папярэднік	Дамінік Мікалай Радзівіл
Пераемнік	Казімір Уладзіслаў Сапега
Генерал літоўскай артылерыі 1684 — 9 лістапада 1686
Папярэднік	Мацей Гасеўскі
Пераемнік	Матэвуш Ромер
Нараджэнне	20 сакавіка 1652(1652-03-20)[1]
Смерць	9 лістапада 1686(1686-11-09)[1] (34 гады) Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая
Месца пахавання	Бяроза[1]
Род	Сапегі
Бацька	Павел Ян Сапега[1]
Маці	Ганна Барбара з Копцяў[d][1]
Жонка	няма
Дзеці	няма
Адукацыя	Віленскі ўніверсітэт (1668)
Дзейнасць	афіцэр
Званне	генерал
Медыяфайлы на Вікісховішчы

Леў Васіль (Леан Базылі) Сапега (20 сакавіка 1652 — 9 лістапада 1686, Варшава) — вялікалітоўскі дзяржаўны і ваенны дзеяч. Падскарбі надворны літоўскі (з 1681).

Біяграфія

У 1663—1668 гадах вучыўся ў Віленскай акадэміі. Пасля падарожнічаў па Еўропе, быў у тым ліку ў Парыжы. Каля 1673 года вярнуўся на радзіму. Быў паслом на соймы 1678, 1681 і 1683 гадоў. Стольнік вялікі літоўскі з 1679 года, надворны падскарбі літоўскі з 1681 года.

Браў удзел у Венскім паходзе 1683 года. У 1684 годзе стаў таксама генералам літоўскай артылерыі. Памёр 9 лістапада 1686 года ў Варшаве пасля выпадковага стрэлу з пісталету.

Сям’я

Паходзіў з чарэйскай лініі магнацкага роду Сапегаў, малодшы сын вялікага літоўскага гетмана Паўла Яна і яго другой жонкі Ганны Барбары Копаць. Меў братоў Казіміра Яна, Бенедыкта Паўла і Францішка Стэфана.

Не паспеў ажаніцца і не пакінуў нашчадкаў.

Крыніцы

Спасылкі

• На Вікісховішчы ёсць медыяфайлы па тэме Леў Васіль Сапега
• Генеалогія магнацкіх радоў Рэчы Паспалітай Архівавана 21 верасня 2013.