Леандр Севільскі
ісп.: Leandro
Святы Леандр, біскуп Севільскі. Карціна Барталомэ Эстэбана Мурылья. (1655 год).
Святы Леандр, біскуп Севільскі. Карціна Барталомэ Эстэбана Мурылья. (1655 год).
Дата нараджэння каля 534[1][2][…]
Месца нараджэння
Дата смерці 13 сакавіка 600
Месца смерці
У ліку святы
Дзень памяці 13 сакавіка — у каталіцкай царквы; 27 лютага — у праваслаўнай царквы
Заступнік хворыя на рэўматызм; гарады Севільі
Атрыбуты кніга і пяро
Лагатып Вікісховішча Медыяфайлы на Вікісховішчы

Леандр (ісп.: Leandro; 540 — 13 сакавіка 600) — біскуп Севільскі. Кананізаваны ў ліку свяціцеляў, памяць у Праваслаўнай царкве здзяйсняецца 27 лютага (па юліянскім календары), у Каталіцкай царквы — 13 сакавіка.

Біяграфія

Святы Леандр быў прадстаўніком карэннага насельніцтва Іспаніі (іспана-рымлян) і паходзіў з элітнай і ўплывовай сям'і з Картахены. Ён нарадзіўся ў 540 годзе, а яго бацькамі былі Северыян і Туртура, паводле іншай версіі Феадора. У яго было два брата, біскупы Ісідор Севільскі і Фульгенцый Эсіхскі, і сястра, Святая Фларэнціна, адна з заснавальніц іспанскага жаночага манаства.

У 554 годзе разам з бацькамі, братамі і сястрой, у сувязі з заваяваннем візантыйцамі ўсходняга ўзбярэжжа Пірэнейскага паўвострава, перасяліўся ў Севілью. Там у 578 ці 579 годзе Леандр быў абраны біскупам, пасля чаго заснаваў Севільскую багаслоўскую школу, якая стала вядомым цэнтрам навукі і артадаксальна-нікейскага хрысціянства. У 582 годзе падвергся пераследам з боку караля вестготаў Леавігільда і быў выгнаны з краіны. Аднак у 586 годзе кароль пакаяўся ў несправядлівасці ў адносінах да біскупа, вярнуў яго са ссылкі і папрасіў стаць настаўнікам свайго малодшага сына Рэкарэда. Святы Леандр паклаў шмат прац на адрачэнне вестготаў ад арыянскай ерасі, і ў выніку Рэкарэд, на той момант ужо кароль, у 587 годзе прыняў хрысціянскую веру, заклікаўшы ўсіх сваіх падданых да прыняцця правільнага веравызнання і ліквідацыі сумнай памылкі. Ён старшынстваваў у 589 годзе на Трэцім Таледскім саборы. Сканаў у Севільі 13 сакавіка 600 года.

Зноскі

  1. ↑ Leander Hispalensis // Catalogue of the Library of the Pontifical University of Saint Thomas Aquinas
  2. ↑ Léandre de Séville // AlKindi
  3. ↑ Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.