| Ларыса Фёдараўна Салавей | |
|---|---|
| Дата нараджэння | 22 ліпеня 1934 (89 гадоў) |
| Месца нараджэння | |
| Грамадзянства | |
| Род дзейнасці | мастацтвазнаўца |
| Месца працы | |
| Альма-матар | |
| Член у | |
| Узнагароды |
 |
.svg.png.webp){kind=small}
Ларыса Фёдараўна Салавей (нар. 22 ліпеня 1934, г. Орша, Віцебская вобласць, БССР) — беларускі мастацтвазнаўца. Заслужаны настаўнік БССР (1975).
Біяграфія
У 1968 годзе скончыла Беларускі тэатральна-мастацкі інстытут. У 1966—1981 гг. выкладчык прафесіянальна-тэхнічнага вучылішча, у 1981—1987 гг. сакратар праўлення Беларускага саюза мастакоў, у 1988—1992 гг. намеснік дырэктара дырэкцыі мастацкіх выставак Міністэрства культуры Рэспублікі Беларусь, у 1992—1997 гг. намеснік дырэктара многафункцыянальнага выставачнага комплексу «На ростанях».
Член Беларускага саюза мастакоў з 1984 года.
Навуковая дзейнасць
Друкуецца з 1970 г. Аўтар шэрагу артыкулаў па праблемах беларускага выяўленчага мастацтва, эстэтычнага выхавання і музеязнаўства. Ёй належаць манаграфіі пра беларускіх мастакоў Р. Кудрэвіч (1974), М. Казакевіча (1987), І. Рэя (1990), альбом «А. Гугель і Р. Кудрэвіч» (1994), творчыя партрэты мастакоў Л. Панамарэнкі, У. Кожуха, Я. Зайцава, А. Кузьміча, В. Целеша, І. Міско і іншых.
Грамадская дзейнасць
Л. Ф. Салавей — арганізатар выставак беларускіх мастакоў за мяжой, а таксама заснавальніца многіх карцінных галерэй у рэспубліцы. Аўтар каталогаў выставак: «9 мастакоў з Беларусі» (выд. у 1993 г., Італія), «7 мастакоў з Беларусі» (выд. у 1994 г., Мінск), «Каталог I міжнароднага пленэру па жывапісе імя Бялыніцкага-Бірулі» (1996) і інш.
Літаратура
- Крэпак, Б. А. Салавей Ларыса Фёдараўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 94—95. — 10 000 экз. — ISBN 985-11-0035-8. — ISBN 985-11-0238-5 (т. 14).
- Салавей Ларыса Фёдараўна // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.]; склад. Т. Г. Ігнацьева [і інш.]; мастак Э. Э. Жакевіч. — Мінск : БелЭн, 2000. — Кн. 2. — С. 439—440.