Кукуруза

Кукуруза цукровая (Zea mays).
Група квітнеючых раслін.
Навуковая класіфікацыя
Міжнародная навуковая назва

Zea L., 1753

Сінонімы

Сістэматыка
на Віківідах
Выявы
на Вікісховішчы
ITIS  42268
NCBI  4575
EOL  108049
GRIN  g:13020
IPNI  19280-1

Кукуру́за[3] (Zea) — род раслін сямейства Метлюжковыя (Poaceae), да якога адносяць шэсць відаў[4]. Аднак, у культуры род прадстаўлены адзіным відам Zea mays, які вырошчваюць па ўсяму свету ў прамысловых маштабах. Гэты від з’яўляецца каштоўнай харчовай, кармавой і тэхнічнай культурай.

Кукуруза цукровая (Zea mays) Батанічная ілюстрацыя з кнігі «Köhler’s Medizinal-Pflanzen», 1887

Біялагічнае апісанне

Кукуруза — высакарослая аднагадовая травяністая расліна, дасягае вышыні 3 м (у выключных выпадках — да 6 м і больш), з добра развітой каранёвай сістэмай. На ніжніх вузлах сцябла могуць утварацца паветраныя апорныя карані.

Сцябло прамастаячае, да 7 см у дыяметры, без паражніны ўнутры (у адрозненне ад большасці іншых траў).

Лісце буйное, лінейна-ланцэтнае, да 10 см шырынёй і 1 м даўжынёй].

Каласкі з тычачкавымі і песцічнымі кветкамі сабраны ў розныя суквецці або ў асобных частках аднаго суквецця. Тычачкавыя кветкі сабраны па два ў каласкі, адзін з іх амаль сядзячы, другі на ножцы, каласкі сабраны ў зверху мяцёлку. Каласкі з песцічнымі кветкамі сядзяць шэрагамі з 6-16 кветак на тоўстай, мясістай восі катаха, якая выходзіць у сярэдняй частцы сцябла з пазух лісця. Песцік доўгі, ніткападобны, на канцы двухлопасцевы. Падчас квіцення песцікі ўсіх каласкоў звешваюцца ў выглядзе пучка з похвавых лісцеў, якія акружаюць катах.

Плод — зярноўка.

Віды

  • Zea diploperennis Iltis, Doebley & R.Guzmán
  • Zea luxurians (Durieu & Asch.) R.M.Bird
  • Zea mays L. — Кукуруза, ці Маіс
  • Zea mexicana (Schrad.) Kuntze
  • Zea nicaraguensis Iltis & B.F.Benz
  • Zea perennis (Hitchc.) Reeves & Mangelsd.

Уся кукуруза, якая культывуецца, як сельскагаспадарчае расліна, адносіцца менавіта да падвіду Zea mays subsp. mays; часам гэты падвід вызначаюць як асобны від Zea saccharata Sturtev

Zea mays «fraise» — Тулузскі музеум
Zea mays 'Oaxacan Green' — Тулузскі музеум

Зноскі

  1. ↑ Ужываецца таксама назва Пакрытанасенныя.
  2. ↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
  3. ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 143. — 160 с. — 2 350 экз.
  4. ↑ The Plant List: Zea

Літаратура

  • Рожевиц Р. Ю. Род Кукуруза — Zea // Флора СССР. В 30-ти томах / Главный редактор акад. В. Л. Комаров; Редакторы тома Р. Ю. Рожевиц и Б. К. Шишкин. — М.—Л.: Издательство Академии Наук СССР, 1934. — Т. II. — С. 4—5. — 778 + XXXIII с. — 5 175 экз.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.