Крыніца
Тып Адкрытае акцыянернае таварыства
Заснаванне 1975
Размяшчэнне  Беларусь, Мінск, вул. Радыяльная, 52
Ключавыя постаці генеральны дырэктар Аляксандр Яўгенавіч Кіжук
Галіна Харчовая прамысловасць
Прадукцыя Піва, квас, безалкагольныя і слабаалкагольныя напоі
Доўг 34,5 млн BYN
Абарот 528,8 млрд. BYN
Чысты прыбытак ▲38 тыс. BYN[1]
Матчына кампанія Белдзяржхарчпрам
Сайт krinitsa.by

ААТ «Крыніца» — найбуйнейшы беларускі бровар, які ўваходзіць у канцэрн «Белдзяржхарчпрам».

Гісторыя

ААТ «Крыніца», раней вядомае як Мінскі піваварны завод № 2, пачала сваю дзейнасць у 1975 годзе. Тады былі ўведзеныя ў эксплуатацыю асноўныя вытворчыя цэхі: соладавенны, варачны, брадзільна-лагерны і зварана першае піва «Крыніца»[2].

У 1992 годзе вытворчае аб’яднанне «Крыніца» стала арэндным прадпрыемствам, якое ў 2001 годзе было пераўтворана ў адкрытае акцыянернае таварыства.

У 2001 годзе Прэзідэнт А. Лукашэнка і прэзідэнт піваварнай кампаніі «Балтыка» Таймураз Балоеў дамовіліся аб інвестыцыях у «Крыніцу». Расійскія інвестары планавалі за два гады падвоіць магутнасці беларускага прадпрыемства, уклаўшы ў яго 50 млн долараў, і разлічвалі праз дадатковую эмісію атрымаць кантрольны пакет акцый. За год «Балтыка» пад гарантыі ўрада ўклала ў «Крыніцу» 10,5 млн долараў. З улікам фінансавання з расійскага боку, беларускі бок не спяшаўся аддаваць кантрольны пакет, прапаноўваючы паэтапную схему перадачы акцый і «некамерцыйныя» абцяжаранні, накшталт будаўніцтва лядовай арэны на «Трактары». Грунтоўна абнавіўшы вытворчасць, «Балтыка» у 2002 годзе згарнула рэканструкцыю і падала пазоў у Міжнародны камерцыйны арбітражны суд пры Гандлёва-прамысловай палаце Расійскай Федэрацыі, які вынес 5 рашэнняў на карысць істца і абавязаў выплаціць пазыку ў памеры больш за 10 млн долараў[3][4].

У перыяд з 2003 па 2008 гг. дзяржаўны пакет (84,5 %) акцый у «Крыніцы», знаходзіўся ў даверным кіраванні ААТ «Пріорбанк».

З 2006 да 2012 года ў склад прадпрыемства на правах філіяла ўваходзіла ААТ «Полацкае піва».

Вясной 2017 года Еўрапейскі банк рэканструкцыі і развіцця пачаў перадпрыватызацыйную падрыхтоўку піўзавода. Бровар «Крыніца» рыхтавалі да прыватызацыі[5].

Прадукцыя

Зноскі

  1. ↑ Гадавая справаздача за 2016 г. (руск.) Архівавана 17 красавіка 2018.
  2. ↑ Гісторыя і традыцыі Архівавана 9 лютага 2018.
  3. ↑ Самые громкие «разводы» Беларуси с инвесторами (руск.)(недаступная спасылка). TUT.BY (11 лютага 2018). Архівавана з першакрыніцы 11 лютага 2018. Праверана 11 лютага 2018.
  4. ↑ Міжнародны арбітражны суд абавязаў менскі бровар «Крыніца» вярнуць расейскай «Балтыцы» 3,5 мільёна даляраў. Радыё Свабода (2 верасня 2004). Праверана 11 лютага 2018.
  5. ↑ Бровар «Крыніца» рыхтуюць да прыватызацыі. Наша Ніва (23 красавіка 2017). Праверана 11 лютага 2018.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.