Конрад I Брненскі
чэшск.: Konrád I. Brněnský
Князь чэшскі 1092 — 1092
Папярэднік	Ураціслаў II
Пераемнік	Бржэціслаў II Малодшы
Князь Брненскі 1054 — 1055
Пераемнік	Спытыгнеў II
Князь Брненскі 1061 — 1092
Папярэднік	Спытыгнеў II
Пераемнік	Ольдржых (Удальрых)
Нараджэнне	каля 1035[1] ці 1036 Прага, Чэшскае княства
Смерць	6 верасня 1092[2] Прага, Чэшскае княства[3]
Месца пахавання	Базіліка Святых Пятра і Паўла
Род	Пржэмысловічы
Бацька	Бржэціслаў I[4]
Маці	Юдыт фон Швейнфурт[d]
Жонка	Wirpirk of Tengling[d]
Дзеці	Ольдржых і Luitpold, Prince of Znojmo[d][4]
Медыяфайлы на Вікісховішчы

Конрад I Ота (чэшск.: Konrád I. Brněnský, каля 1036 — 6 верасня 1092, Прага) — князь Брненскі ў 1054—1055 і 1061—1092, князь чэшскі у 1092 з дынастыі Пржэмысловічаў, трэці сын князя Бржэціслава I і яго жонка Юдыт фон Швейнфурт.

Біяграфія

Яшчэ пры жыцці бацькі, у 1054 годзе, Конрад атрымаў у долю Маравію, аднак па ўсшэсці на трон свайго старэйшага брата, Спытыгнева II, быў выкліканы ў Прагу і прызначаны кіраўніком княжацкім дваром.

Пасля смерці Спытыгнева і ўзыходжання іншага свайго брата, Ураціслава II, Конрад ізноў атрымаў ў валоданне частку Маравіі з Брно, а таксама Знойма (у 1061 годзе). Кіраваў гэтымі тэрыторыямі на працягу 31 года, карыстаўся падтрымкай мясцовага дваранства, арганізаваў некалькі паходаў супраць Польшчы. У 1082 годзе ваяваў з аўстрыйскім маркграфам Леапольдам II.

Пасля смерці брата — Оты Оламаўцкага пад уладай Конрада апынулася ўся Маравія. Гэта здалося Ураціславу занадта небяспечным, і ён у 1090 годзе выступіў у паход супраць Конрада. Выратавалі становішча апошняга толькі рознагалоссі, якія ўзніклі паміж Ураціславам II і яго сынам Бржэціславам II. Пасроднікам паміж братамі выступіла жонка Конрада, якая прымірыла яго з каралём.

Пасля смерці Ураціслава князем чэшскім становіцца Конрад, аднак кіруе краінай усяго 8 месяцаў. Пакінуў пасля сябе сыноў Ольдржыха (Удальрыха) і Літальда, якія падзялілі яго ўладанні на Брненскі і Зноемскі ўдзелы.

Шлюб і дзеці

Жонка: Вірпірка (Хільдбурга). Існуе некалькі гіпотэз пра яе паходжанне. Паводле адной гіпотэзы яна была дачкой маркграфа Карынтыі і Істрыі Ульрыха I і Сафіі Венгерскай. Паводле іншай гіпотэзы яна была дачкой Сігарда VII (VIII), графа ў Хімгау, і Піліхільды. Дзеці:

• Ольдржых (Удальрых) (пам. 27 сакавіка 1113), князь брненскі ў 1092—1097 і 1101—1113 гадах
• Літальд (пам. 15 сакавіка 1112), князь зноемскі з 1092

Зноскі

Літаратура

• Козьма Пражский. Чешская хроника / Пер. Г. Э. Санчук. — М.: Изд-во Академии наук СССР, 1962. — 296 с. — (Памятники средневековой истории народов Центральной и Восточной Европы). — 1500 экз. (руск.)
• Томек В. История Чешского королевства / Пер. с чешск. под редакцией В. Яковлева. — СПб.: Издание книгопродавца С. В. Звонарева, 1868. — 843 с. (руск.)

Спасылкі

• На Вікісховішчы ёсць медыяфайлы па тэме Конрад I Брненскі
• Markgrafen & dukes of Moravia, at Brno and Znaim (англ.). Foundation for Medieval Genealogy. Праверана 11 снежня 2011.
• Konrad I. Otto Herzog von Böhmen (нявызн.). Mittelalterliche Genealogie im Deutschen Reich bis zum Ende der Staufer. Архівавана з першакрыніцы 19 сакавіка 2006. Праверана 11 снежня 2011.