Конрад Цёльнер фон Ротэнштайн
вялікі магістр Тэўтонскага ордэна 1382 — 1390
Папярэднік	Вінрых фон Кніпродэ
Пераемнік	Конрад фон Валенрод
Нараджэнне	1325[1] Маральдсвайзах[d], раён Гасбергэ[d], Ніжняя Франконія, Баварыя
Смерць	20 жніўня 1390 Дзежгань, Гміна Дзежгань, Штумскі павет, Паморскае ваяводства, Польшча
Месца пахавання	Замак Мальбарк
Веравызнанне	каталіцтва
Медыяфайлы на Вікісховішчы

Ко́нрад Цёльнер фон Ротэншта́йн (ням.: Konrad Zöllner von Rotenstein; каля 1325, магчыма Біркенфельд — 20 жніўня 1390, Хрыстбург) — 23-і вялікі магістр Тэўтонскага ордэна з 1382 па 1390 гады.

Біяграфія

Конрад нарадзіўся каля 1325 года, магчыма, у Біркенфельдзе. Прадстаўнік дваранскага роду Цёльнераў фон Ротэнштайн з Франконіі.

Кар’ера Конрада пачалася ў 1353 годзе, калі ён стаў пракурорам (суддзёй) Пройсіш-Маркі, а пасля хаўзкомтурам Хрыстбурга. У 1368 годзе ён заняў пасаду комтура Данцыга, а ў 1372 годзе — вялікага гаспітальера і комтура Хрыстбурга.

Пасля смерці ў 1382 годзе Вінрыха фон Кніпродэ Конрад быў абраны новым вялікім магістрам, нягледзячы на тое, што ў Ордэне ў яго не было ўплывовых знаёмых і яму відавочна не даставала палітычнага вопыту. Фон Ротэнштайн засяродзіў увагу на ўнутраных праблемах, даручыўшы клопаты арміі і вядзенне вайны з Вялікім Княствам Літоўскім комтуру Кёнігсберга Конраду фон Валенродэ.

Цёльнер правёў адміністрацыйную рэформу (рэформу адміністрацыйна-тэрытарыяльнага падзелу Прусіі), а таксама займаўся падтрымкай каланізацыі маланаселеных раёнаў. Ён нават змог атрымаць прывілей ад Папы Рымскага для ўніверсітэта, які адкрыўся ў Кульме.

Падчас кіравання Конрада Цёльнера вялікі князь літоўскі Ягайла стаў каралём польскім пад імем Уладзіслава II, што паслужыла пачаткам польска-літоўскай асабістай уніі. У барацьбе Ягайлы з Вітаўтам Ордэн заняў бок апошняга, ставячы мэтай супрацьпаставіць Літву Польшчы, бо іх сумесныя дзеянні былі вельмі непажаданымі для крыжакоў.

Конрад Цёльнер фон Ротэнштайн сканаў 20 жніўня 1390 года ў Хрыстбургу і быў пахаваны ў пахавальні вялікіх магістраў Ордэна пад капліцай Св. Ганны ў Марыенбургу.

Крыніцы

Літаратура

• Borchert F. Die Hochmeister des Deutschen Ordens in Preußen erschienen // Preußischen Allgemeinen Zeitung. — am 24. — November 2001.
• Jähnig B. Konrad Zöllner von Rotenstein // Neue Deutsche Biographie. — Band 12. — Berlin: Duncker & Humblot, 1980. — S. 516.
• Karl Lohmeyer. Konrad Zöllner von Rotenstein // Allgemeine Deutsche Biographie (ADB). Band 45. — Leipzig: Duncker & Humblot, 1900. — S. 429–431. (ням.)

Спасылкі

• (ням.) Jähnig B. Zöllner von Rotenstein // Ostdeutsche Biographie. Persönlichkeiten des historischen deutschen Ostens. Праверана 28.07.2010.