Клэпарыў
Клепарів
49°51′01″ пн. ш. 24°00′39″ у. д.
Краіна	Украіна
Горад	Львоў
Адміністрацыйны раён горада	Шаўчэнкіўскі раён, Залізнычны раён
Першае згадванне	ХІІІ ст.
Дата заснавання	1419
Ранейшы статус	сяло
Год уключэння ў межы горада	1930 г.

Клэпарыў^[1] (укр.: Клепа́рів) — мясцовасць у Шаўчэнкаўскім і Залізнычным раёнах Львова. Размешчана паміж вуліцамі Шаўчэнкі (з ніжняй Гарадоцкай), Джэрэльнай і Ерашэнкі. Цэнтральнай воссю раёна з’яўляецца вул. Клэпарыўская.

Гісторыя

Клэпарыў вядомы яшчэ з XIII ст., калі кароль Данііл будаваў вакол Львова ўмацаванні для абароны ад татараў.

У пачатку XV ст. мяшчанін Андрэй Клёпер з вядомай львоўскай сям’і будаўнікоў, што будавала вакол Львова сцены, набыў 12 палёў гэтых зямель. У 1419 г. ён пабудаваў тут маёнтак Клёпэргоф (што пасля трансфармавалася ў «Клэпарыў»). У «Польскім геаграфічным слоўніку» сцвярджалася аб заснаванні вёскі ў 1430 г.

У 1535-1560-х гг. горад выкупіў гэты багаты асабняк з прыгожымі землямі, сажалкамі і вінаграднікамі (у даўнія часы Клэпарыў славіўся вырошчваннем вінаграду і адбельваннем палатна). Жыхары Клэпарава займаліся агародніцтвам і садаўніцтвам. Далёка за межамі Львова былі вядомыя мясцовыя чарэхі (гібрыд вішні і чарэшні, рос толькі ў Львове).

У XIX ст. тут (у паўночнай частцы Клэпарава) пабудавалі чыгунку. У 1908 г. па вул. Шаўчэнкі быў пракладзены электрычны трамвай (цяпер № 7). Раён увайшоў у межы горада 11 красавіка 1930 г.

Аб’екты

• Львоўскі ўніверсітэт бяспекі жыццядзейнасці
• Кракаўскі рынак
• Яніўскія могілкі

Зноскі