Качка — агульнапрынятая назва птушак сямейства качыныя (Anatidae). Качкі ў асноўным вадаплаўныя птушкі; яны могуць вадзіцца як у прэснай, так і ў марской вадзе.
Качак часам блытаюць з падобнымі птушкамі, накшталт лысак (Fulica) і паганак (Podicipediformes).
Марфалогія
Цела качак у агульным падоўжанае і шырокае, у качак параўнальна доўгая шыя (зрэшты, не гэтакая доўгая, як у гусей і лебедзяў). У нырковых качак цела больш круглявае. Дзюба, як правіла, шырокая і ўтрымоўвае зубчастыя лускавінкі. У некаторых прамысловых відаў дзюба доўгая і моцна зубчастая. Ногі моцныя і добра развітыя. Крылы вельмі моцныя і, як правіла, кароткія і вострыя; палёт качак патрабуе хуткіх бесперапынных узмахаў, патрабуючы, у сваю чаргу, моцныя цягліцы. Аднак, ёсць тры віды качак-параходаў, якія не лётаюць. Многія віды качак часова не могуць лётаць у час лінькі, яны шукаюць абароненае месца пасялення з добрым доступам да ежы ў гэты перыяд. Гэтая лінька звычайна папярэднічае міграцыі.
Качары паўночных відаў маюць больш яркае апярэнне, улетку становячыся пасля лінькі больш падобнымі на самак. У качароў паўднёвых відаў палавы дымарфізм выяўлены слабей, хоць ёсць выключэнні. Апярэнне маладых птушак звычайна нагадвае апярэнне самак.
Сістэматыка
Качкамі называюць прадстаўнікоў наступных падсямействаў
- Сапраўдныя качкі (Anatinae)
- Dendrocygninae
- Stictonettinae
- Tadorninae
- Thalassorninae
Спасылкі
- Wild Ducks Info Архівавана 25 жніўня 2011. — More info regarding the wild ducks.
- Media related to the Anatidae on the Internet Bird Collection
- list of books Архівавана 13 чэрвеня 2006. (useful looking abstracts)