Капаеўка
Характарыстыка
Даўжыня	39 км
Басейн	264 км²
Расход вады	0,9 м³/с (у вусці)
Вадацёк
Выток	Лукі
• Каардынаты	51°34′33″ пн. ш. 23°50′51″ у. д.
Вусце	Заходні Буг
• Каардынаты	51°47′26″ пн. ш. 23°38′11″ у. д.
Ухіл ракі	0,5 м/км
Размяшчэнне
Водная сістэма	Заходні Буг → Нараў → Вісла → Балтыйскае мора
Краіны	Украіна  Беларусь
Рэгіёны	Валынская вобласць, Брэсцкая вобласць
Раёны	Ковэльскі раён, Брэсцкі раён
выток вусце
выток вусце

Капаеўка, Капаюўка — рака ў Брэсцкім раёне Беларусі і Валынскай вобласці Украіны, правы прыток ракі Заходні Буг (басейн Віслы).

Даўжыня ракі 39 км, з іх 19,5 км у Беларусі^[1]. Сярэдні нахіл воднай паверхні 0,5 ‰. Плошча вадазбору 264 км². Сярэднегадавы расход вады ў вусці 0,9 м³/с.

Пачынаецца з возера Лукі (на тэрыторыі Украіны), вусце за 2 км на паўночны захад ад вёскі Ляплёўка. Даўжыня ў межах Беларусі 19,5 км^[1]. Рэчышча на тэрыторыі Украіны цалкам каналізаванае, у Брэсцкім раёне 2 каналізаваныя дзялянкі: 13 км ад мяжы з Украінай да вёскі Рудня і 2 км уніз па плыні ад моста на дарозе Дамачава — Ляплёўка. У сярэдняй і нізкай плыні шырыня рэчышча ў межань 1—3 м. Берагі вельмі нізкія, зліваюцца з абалонай, у сярэдняй і нізкай плыні больш абрывістыя, вышынёй да 0,5 м. Найвышэйшы ўзровень разводдзя ў канцы сакавіка, найбольшыя вышыні над межанным узроўнем 1,5 м.

Зноскі

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.

Спасылкі

• Общая характеристика речной сети Брестской области (в разрезе районов) // Справочник «Водные объекты Республики Беларусь» (руск.) (Праверана 21 чэрвеня 2023)
• Основные характеристики речных бассейнов (с площадью водосбора более 200 кв. км) Брестской области // Справочник «Водные объекты Республики Беларусь» (руск.) (Праверана 21 чэрвеня 2023)