Эмблема.

Каледжы аб’яднанага свету (КАС), Каледжы міжнароднай супольнасці (англ.: United World Colleges, UWC)[1] — група навучальных устаноў у розных краінах, якія сваёй галоўнай мэтай лічаць развіццё ўзаемаразумення паміж народамі праз адукацыю.

Прымае навучэнцаў з Беларусі 1994 года. Першая навучэнка з Беларусі Алена Новік увайшла ў 5 % лепшых выпускнікоў усіх навучальных устаноў, якія працуюць па сістэме міжнароднага бакалаўрыята[2].

Асноўныя звесткі

Лагатып МБ.
Месцазнаходжанне каледжаў.

У большасць каледжаў міжнароднай супольнасці прымаюцца навучэнцы, якія маюць 16—17 гадоў, па конкурсе, тэрмін навучання — 2 гады. Навучанне вядзецца па праграме МБ — Міжнароднага бакалаўрыята (англ.: International Baccalaureate, IB). Выпускнікі атрымліваюць дыплом, які прызнаецца болей чым у 130 краінах, і з ім могуць паступаць у вышэйшыя навучальныя ўстановы.

Ініцыятарам заснавання першага каледжа быў нямецкі педагог і грамадскі дзеяч Курт Хан. Цяпер працуюць 18 такіх каледжаў (2023). Нацыянальныя камітэты, якія іх прадстаўляюць, дзейнічаюць болей чым у 150 краінах, адкуль вядзецца прыём навучэнцаў.

Каралева Нур.

Каледжы, іх выпускнікі, нацыянальныя камітэты і іншыя арганізацыі і асобы, якія маюць дачыненне да каледжаў, складаюць сусветны рух Каледжаў міжнароднай супольнасці (англ.: UWC International). Старшыня руху з 1995 году — іарданская каралева Нур.

Галоўная задача адукацыі — забеспячэнне пяці якасцей чалавека: дапытлівасці; духу, які не прызнае паразы; настойлівасці ў дасягненні мэты; гатоўнасці да самаадрачэння; і, найперш, спагады.

— Курт Хан.

Каледжы

Атлантычны каледж. Від з заліва.
Паўднёваафрыканскі каледж. Інтэрнат.
Каледж Лі По Чун.
Паўночны каледж.
КаледжМесцазнаходжаннеГод заснавання
Атлантычны каледж аб’яднанага свету 1962
Каледж аб’яднанага свету ў Паўднёва-Усходняй Азіі Сінгапур Сінгапур 1971
Каледж аб’яднанага свету імя Лестара Пірсана Вікторыя, правінцыя Брытанская Калумбія, Канада Канада 1974
Паўднёваафрыканскі каледж аб’яднанага свету Уотэрфард-Камхлаба Мбабанэ, Эсваціні Эсваціні 1963, статус КАС з 1981
Эмблема Заходнеамерыканскага каледжа Заходнеамерыканскі каледж аб’яднанага свету імя Арманда Хамера тэрыторыя Мантэсума, акруга Сан-Мігель, штат Нью-Мексіка, Злучаныя Штаты Амерыкі ЗША 1982
Адрыятычны каледж аб’яднанага свету фракцыя Дуіна, камуна Дуйна-Аўрызіна, рэгіён Фрыулі-Венецыя-Джулія, Італія Італія 1982
Сельскагаспадарчы каледж аб’яднанага свету імя Сімона Балівара Барынас, штат Барынас, Венесуэла Венесуэла 1986, статус з 1987
Каледж аб’яднанага свету Лі По Чун Ганконг Ганконг, Кітай Кітай 1992
Паўночны каледж аб’яднанага свету Чырвонага Крыжа Флеке, камуна Фьялер, фюльке Сагн-ог-Фьюране, Нарвегія Нарвегія 1995
Каледж аб’яднанага свету Махіндры Хубавалі, талука Мульшы, акруга Пуна, штат Махараштра, Індыя Індыя 1997
Каледж аб’яднанага свету ў Коста-Рыцэ Санта-Ана, правінцыя Сан-Хасэ, Коста-Рыка Коста-Рыка 2000, статус з 2006
Каледж аб’яднанага свету ў Мостары Мостар, кантон Герцагавіна-Нерэтва, Федэрацыя Босніі і Герцагавіны, Боснія і Герцагавіна Боснія і Герцагавіна 2006
Каледж аб’яднанага свету ў Маастрыхце Маастрыхт, правінцыя Лімбург, Нідэрланды Нідэрланды 2009
Каледж аб’яднанага свету ў Дыліжане Дыліжан, марз Тавуш, Арменія Арменія 2014
Каледж аб’яднанага свету імя Роберта Боша Фрайбург, зямля Бадэн-Вюртэмберг, Федэратыўная Рэспубліка Германіі (1949—1990) Германія 2014
Каледж аб’яднанага свету ў Чаншу гарадскі павет Чаншу, Сучжоў, правінцыя Цзянсу, Кітай Кітай 2015

Вядомыя выпускнікі

Вілем-Аляксандр.‎
Елізавета.‎
Павел.‎

Каледжы аб’яднанага свету, у прыватнасці, скончылі (звесткі на 2023 год):

  • Вілем-Аляксандр — кароль Нідэрландаў
  • Елізавета — спадчынная прынцэса Бельгіі, герцагіня Брабанцкая.
  • Павел — кронпрынц Грэцыі і прынц Даніі
  • Райя бін аль-Хусейн — прынцэса Іарданіі
  • Аляксандэр Дуглас — брытанскі палітык, дэпутат палаты абшчын парламента Вялікабрытаніі ў 1997—2015 гадах, міністр ураду Вялікабрытаніі ў 2006—2010.
  • Ян Кхама — прэзідэнт Батсваны ў 2008—2018 гадах.
  • Роберт Мілтан — старшыня савета дырэктараў холдынга «United Airlines», ЗША.
  • Элунід Морган — член палаты лордаў парламента Вялікабрытаніі з 2011 года, міністр ураду Вялікабрытаніі з 2017 года.
  • Карэн Джой Мок — кітайская кінаактрыса («Вакол свету за 80 дзён»), спявачка.
  • Піліп Ніаркас — грэчаскі мільярдэр, сустаршыня і член савета дырэктараў дабрачыннага Фонду С. Ніаркаса.
  • Йорма Оліла — старшыня праўлення кампаніі «Нокіа», Фінляндыя.
  • Жулі Пейет — канадскі астранаўт, афіцэр ордэна Канады (вышэйшая ўзнагарода краіны).
  • Ліндзіве Сісулу — дзяржаўны і палітычны дзеяч Паўднёва-Афрыканскай Рэспублікі, член нацыянальнай асамблеі парламента ПАР у 1994—2023 гадах, міністр ураду ПАР у 2001—2023.
  • Акіхіко Хосідэ — японскі астранаўт.
  • Эн Энрайт — ірландская пісьменніца, лаўрэат Букераўскай прэміі.
  • Ленэ Фельтман Эсперсен — дацкая прадпрымальніца і эканаміст, дэпутат фолькетынга Даніі ў 1994—2014 гадах, міністр ураду Даніі ў 2001—2011 гадах.

Зноскі

  1. ↑ Міжнародная назва: United World Colleges — «Каледжы аб’яднанага свету», у Беларусі выкарыстоўваецца таксама найменне «Каледжы міжнароднай супольнасці».
  2. ↑ UWC Беларусь.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.