Кава па-ірландску — кававы напой, які таксама можна аднесці да катэгорыі кактэйляў з вяршкамі.

Склад

  • Гарачая чорная кава - 80 мл (4 часткі)
  • Ірландскі віскі - 40 мл (2 часткі)
  • Карычневы цукар - 1 гарбатная лыжка
  • Узбітыя вяршкі - 30 мл (1 ½ часткі)

Гэты склад кактэйлю зарэгістраваны Міжнароднай асацыяцыяй бармэнаў (англ.: International Bartenders Association) і ўключаны ў спіс афіцыйных кактэйляў Міжнароднай асацыяцыяй бармэнаў.

Прыгатаванне

Існуюць розныя спосабы і рэцэпты гатавання кавы па-ірландску. Напрыклад, у адмысловы шкляны посуд ёмістасцю каля 150 см³ ўліваюць гарачую чорную каву. Дадаюць у яе цукровы пясок і размешваюць лыжкай да поўнага растварэння цукру. Затым уліваюць віскі і ўпрыгожваюць кактэйль узбітымі вяршкамі, паклаўшы іх «шапкай» на паверхню напою. Гэты ж кактэйль, толькі пад іншай назвай, можна прыгатаваць, замяніўшы віскі каньяком або цёмным ромам.

Літаратура

  • Hannes Bertschi, Marcus Reckewitz: Von Absinth bis Zabaione, Berlin 2002, S. 160 ff.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.