Вёска Задзвея Лядоўня Краіна Беларусь Вобласць Брэсцкая Раён Баранавіцкі Сельсавет Вольнаўскі Каардынаты 53°18′28″ пн. ш. 26°17′05″ у. д. Насельніцтва ▼97 чал. (2019) Часавы пояс UTC+3 Тэлефонны код +375 163 Паштовыя індэксы 225343 Аўтамабільны код 1 СААТА 1204807026 Задзвея на карце Беларусі ±

Задзвея на Вікісховішчы

Задзве́я^[1] (трансліт.: Zadzvieja, руск.: Задвея) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчана за 30 км на паўднёвы ўсход ад Баранавічаў, за 16 км ад чыгуначнай станцыі Пагарэльцы на лініі Баранавічы — Мінск, на рацэ Дзвеі.

Гісторыя

Вядома з XV стагоддзя як маёнтак у Новагародскім павеце, належаў Чамровічам, з 1464 года да 1471 года — Гаштольдам.

У XVII—XVIII стагоддзях маёнтак Задзвея — уласнасць шляхцічаў Макушынскіх і Чачотаў. Чачоты пабудавалі тут касцёл і палац (не захаваліся).

Касцёл, пачатак XX ст.

У 1909 годзе ў Жухавіцкай воласці Навагрудскага павета Мінскай губерні, дзейнічала царкоўна-прыходская школа.

З 1921 года ў складзе Польскай Рэспублікі, у Паланэцкай гміне Баранавіцкага павета Навагрудскага ваяводства. Побач з вёскай размяшчаўся фальварак Задзвея, у якім 11 дамоў, 41 жыхар.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей. Да 20 мая 1957 года вёска ўваходзіла ў склад Паланечкаўскага сельсавета^[2], пасля — у склад Галынкаўскага сельсавета. З 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 28 вяскоўцаў.

Інфраструктура

• Магазін
• Сярэдняя школа (з 1986 года працуе краязнаўчы музей)

Насельніцтва

• 1 двор, 32 жыхары (1909)
• 134 дамы, 778 жыхароў (1921)
• 961 жыхар (1959)
• 719 жыхароў (1970)
• 166 двароў, 265 жыхароў (1998)
• 131 гаспадарка, 237 жыхароў (2005)

Славутасці

• Сядзіба Чачотаў

• 
  Сядзіба Чачотаў. Лядоўня
• 
  Сядзіба Чачотаў. Стайня
• 
  Флігель-кухня

Вядомыя асобы

• Генадзь Іванавіч Козел (1930—2006) — беларускі паэт і настаўнік.
• Іван Мікітавіч Серада (1879—1943) — дзяржаўны дзеяч, навуковец, педагог. Першы старшыня Рады Беларускай Народнай Рэспублікі.
• Генадзь Аляксандравіч Фалей — беларускі мастак.

Зноскі

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• Задзвея на сайце Глобус Беларусі (руск.)