Жан-Франсуа Ліятар
фр.: Jean-François Lyotard
Дата нараджэння	10 жніўня 1924(1924-08-10)[1][2][…]
Месца нараджэння	Версаль, Версаль, дэпартамент Сена і Уаза, Францыя
Дата смерці	21 красавіка 1998(1998-04-21)[1][2][…] (73 гады)
Месца смерці	Парыж, рэгіён Іль-дэ-Франс, Метраполія Францыі, Францыя
Месца пахавання	Пер-Лашэз Grave of Jean-François Lyotard[d]
Грамадзянства	Францыя[3]
Дзеці	Карын Энадо[d]
Род дзейнасці	філосаф, філолаг, пісьменнік, мовазнавец, эпістэмалаг, сацыёлаг, літаратурны тэарэтык, выкладчык універсітэта, літаратурны крытык, настаўнік
Навуковая сфера	эстэтыка, псіхааналіз, этыка і палітыка
Месца працы	Універсітэт Эмары[d] Парыжскі ўніверсітэт Каліфарнійскі ўніверсітэт у Ірвайне Нацыянальнае ваеннае вучылішча[d]
Альма-матар	Ліцэй Людовіка Вялікага[d] Парыжскі ўніверсітэт агрэжэ па філасофіі[d] Універсітэт Заходні Парыж — Нантэр-ля-Дэфанс
Навуковы кіраўнік	Мікель Дзюфрэн[d]
Член у	Сацыялізм або варварства[d] Рабочая сіла[d]
Медыяфайлы на Вікісховішчы

Жан Франсуа Ліятар (фр.: Jean-François Lyotard; 10 жніўня 1924, Версаль — 21 красавіка 1998, Парыж) — французскі філосаф-постструктураліст і тэарэтык літаратуры.

Вызначыў постмадэрн як крызіс метанаратываў (вялікіх праектаў).

Біяграфія

Нарадзіўся ў Версалі (Францыя). Вывучаў філасофію ў Сарбоне. Выпрабаваў уплыў Луі Марэна. З 1950 года выкладаў філасофію ва ўсходнеалжырскім горадзе Канстанціна, які ў той час уваходзіў у склад Францыі.

З пачатку 1970-х і да 1987 года Ліятар выкладаў ва Універсітэце Парыж VIII, пад канец кар’еры атрымаўшы званне заслужанага прафесара. На працягу наступных двух дзесяцігоддзяў ён чытаў лекцыі за межамі Францыі: у Каліфарнійскім універсітэце ў Ірвайне, а як запрошаны прафесар — ва ўніверсітэтах ва ўсім свеце: Берклі, Ельскі ўніверсітэт, Сан-Дыега ў ЗША, Манрэальскі ўніверсітэт у Канадзе, і Універсітэт у Сан-Паўлу ў Бразіліі. Ён стаў таксама заснавальнікам і дарадчым членам Міжнароднай калегіі філасофіі ў Парыжы. Незадоўга да смерці ён дзяліў свой час паміж Парыжам і Атлантай, дзе выкладаў ва Універсітэце Эмары.

У 1993 годзе Жан-Франсуа Ліятар па запрашэнні часопіса «Кабінет» наведаў Санкт-Пецярбург і выступіў з лекцыяй «Anima minima» на сімпозіуме «Мастацтва, філасофія, псіхааналіз». Сімпозіум праходзіў у Расійскім этнаграфічным музеі з 3 па 5 чэрвеня 1993 года.

Ліятар любіў вяртацца да паняцця постмадэрнізму ў сваіх шматлікіх эсэ. У 1998 годзе, якраз пры падрыхтоўцы канферэнцыі па постмадэрнізме і тэорыі СМІ, ён нечакана памёр ад лейкеміі, якая хутка прагрэсавала. Ліятар пахаваны на могілках Пер-Лашэз у Парыжы.

Зноскі