Ефрасіння Леанідаўна Бондарава
Дата нараджэння	25 лістапада 1922(1922-11-25)
Месца нараджэння	Гапонава, Веляшковіцкая воласць[d], Віцебскі павет, Віцебская губерня, РСФСР
Дата смерці	30 чэрвеня 2011(2011-06-30) (88 гадоў)
Месца смерці	Мінск, Беларусь
Грамадзянства	Беларусь  СССР
Муж	Алег Ціханавіч Аўдзееў
Дзеці	Ігар Алегавіч Аўдзееў
Адукацыя	філалагічны факультэт БДУ
Месца працы	БДУ Міністэрства кінематаграфіі БССР Міністэрства культуры БССР Сцяг Перамогі
Прафесія	пісьменніца, кінакрытык, film theorist, кінасцэнарыст, выкладчыца ўніверсітэта, кіназнавец, крытык
Узнагароды	За выдатныя поспехі ў працы[d]

Ефрасіння Леанідаўна Бондарава (нар. 25 лістапада 1922, в. Гапонава, Лёзненскі раён, Віцебская вобласць — 30 чэрвеня 2011) — беларускі кінакрытык. Доктар філалагічных навук (1977), прафесар (1982).

Біяграфія

Нарадзілася 25 лістапада 1922 года ў в. Гапонава Лёзненскага раёна. Яшчэ школьніцай пачала працаваць літсупрацоўнікам раённай газеты «Ленінскі сцяг».

У 1949 годзе скончыла філалагічны факультэт Беларускага дзяржаўнага ўніверсітэта. У 1948—1950 гадах — рэдактар-кансультант Міністэрства кінематаграфіі БССР, у 1951—1961 гадах — галоўны рэдактар па вытворчасці фільмаў Міністэрства культуры БССР, адначасова з 1953 года да 2006 — выкладчык БДУ.

Муж - вядомы кінааператар, заслужаны дзеяч культуры Алег Ціханавіч Аўдзееў.

Сын - кіназнавец, кінакрытык Ігар Алегавіч Аўдзееў.

Навуковая праца

Даследавала праблемы беларускага кінамастацтва і публіцыстыкі, выступала як кінакрытык. Аўтар сцэнарыяў шэрагу дакументальных фільмаў, спецыяльных выпускаў кінахронікі, творчых партрэтаў дзеячаў кіно. Даследаванні вызначаюцца грунтоўнасцю аналізу, публіцыстычнасцю формы. Аўтар твораў «Уладзімір Уладзіміравіч Корш-Саблін» (1960), «Нарыс на экране» (1969, разам з Л. Шылавай), «У кадры і за кадрам» (1973), «Час, экран, крытыка» (1975) і інш^[1].

Узнагароды

• Заслужаны дзеяч навукі Беларусі (1982)
• медаль «Ветэран працы»
• медаль «За выдатны ўклад у развіццё беларускага кінематографа»
• Ганаровая грамата Вярхоўнага Савета БССР (1977)
• прэмія Саюза журналістаў Рэспублікі Беларусь (1994)
• прэмія Саюза кінематаграфістаў Рэспублікі Беларусь (1999)
• ганаровы знак «За выдатныя поспехі ў працы» Міністэрства вышэйшай і сярэдняй спецыяльнай адукацыі СССР
• ганаровы знак «Выдатнік кінематаграфіі СССР»

Зноскі

Літаратура

• Бобкова, А. П. Бондарева Евфросинья Леонидовна / А. П. Бобкова // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2010. — Т. 2 : Витебская область : в 2 кн. — Кн. 1. — С. 82.
• Бондарава Ефрасіння Леанідаўна // Беларуская энцыклапедыя : у 18 т. / рэдкал.: Г. П. Пашкоў [і інш.]. — Мінск : БелЭн, 1996. — Т. 3 : Беларусы-Варанец. — С. 212.
• Бондарава Ефрасіння Леанідаўна // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.]; мастак А. М. Хількевіч. — Мінск : БелЭн імя П. Броўкі, 1992. — С. 575—576.