Футбол
Дымітры Пае
Агульная інфармацыя
Поўнае імя Фларан Дымітры Пае
Мянушка Le Dieu Du Football (Бог футбола)
Нарадзіўся 29 сакавіка 1987(1987-03-29)[1][2][…] (37 гадоў)
Грамадзянства  Францыя
Рост 175 см
Вага 77 кг
Пазіцыя вінгер
Інфармацыя пра клуб
Клуб Бразілія Васка да Гама
Нумар 10
Маладзёжныя клубы
1995—1998 Францыя Сен-Філіп Рэюньён
1998—1999 Францыя Сен-П’еруаз
1999—2003 Францыя Гаўр
2003—2004 Францыя АС Эксельсьёр
2004—2005 Францыя Нант
Клубная кар’ера[* 1]
2005—2007 Францыя Нант 33 (5)
2007—2011 Францыя Сент-Эцьен 129 (19)
2011—2013 Францыя Ліль 71 (18)
2013—2015 Францыя Алімпік (Марсель) 72 (15)
2015—2017 Англія Вест Хэм Юнайтэд 48 (11)
2017—2023 Францыя Алімпік (Марсель) 187 (46)
2023— Бразілія Васка да Гама
Нацыянальная зборная[* 2]
2007—2008 Францыя Францыя (да 21) 12 (4)
2010—2018 Францыя Францыя 38 (8)
Узнагароды і медалі
Чэмпіянаты Еўропы
Срэбра Францыя 2016
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 ліпеня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 24 ліпеня 2023
Лагатып Вікісховішча Медыяфайлы на Вікісховішчы

Фларан Дымітры Пае (фр.: Florent Dimitri Payet; нар. 29 сакавіка 1987, Сен-П’ер, Рэюньён, Францыя) — французскі футбаліст, крайні паўабаронца бразільскага клуба «Васка да Гама». Ігрок нацыянальнай зборнай Францыі (2010—2018). Вядомы сваім уменнем выконваць штрафныя ўдары.

Клубная кар’ера

Дымітры Пае пачаў займацца футболам на сваім родным востраве Рэюньёне ў клубах «Сен-Філіп» і «Сен-П’еруаз». 4 гады правёў у сістэме юнацкіх каманд «Гаўра», пасля чаго вярнуўся на Рэюньён. У 2004 годзе Пае зноў адправіўся ў метраполію і стаў іграком «Нанта».

«Нант»

Дэбютаваў за асноўны склад «Нанта» 15 снежня 2005 года ў выязным матчы супраць «Бардо». Ужо ў другім сваім матчы ― 21 студзеня 2006 года супраць «Меца» Пае забіў гол у вароты саперніка, прычым футбаліст выйшаў на поле толькі на 88-й хвіліне матча.

«Сент-Эцьен»

У ліпені 2007 года Пае перайшоў у «Сент-Эцьен». У сезоне 2008/09 дэбютаваў у Кубку УЕФА, забіўшы 3 мячы ў 10 праведзеных матчах. У ліпені 2009 года Пае падпісаў новы кантракт з «Сент-Эцьенам» на 4 сезоны.

«Ліль»

28 чэрвеня 2011 года галоўны трэнер клуба «Сент-Эцьен» Крыстоф Гальцье пацвердзіў, што Пае быў на грані падпісання кантракта з «Лілем» пасля таго, як ігрок сам паведаміў яму гэта ў папярэдні дзень[3]. Пае пагадзіўся на чатырохгадовы кантракт з «Лілем», а трансферны кошт іграка быў ацэнены ў 9 млн еўра[4].

«Марсель» і «Вест Хэм Юнайтэд»

27 чэрвеня 2013 года стала вядома, што «Ліль» і «Марсель» дамовіліся аб трансферы іграка.

Улетку 2015 года перайшоў у англійскі «Вест Хэм Юнайтэд» за 15 млн еўра. Выдатна правёўшы сезон 2015/16, быў уключаны ў склад каманды года па версіі ПФА, атрымаў узнагароду «Малатабоец года», якая ўручаецца найлепшаму іграку «Вест Хэм Юнайтэд» у сезоне.

У снежні 2016 года Пае заявіў, што можа вярнуцца ў «Марсель». Хутка кіраўніцтва клуба адхіліла іграка ад трэніровак, а сам Пае заявіў, што больш не апране футболку «Вест Хэм Юнайтэд». 30 студзеня 2017 года футбаліст перайшоў у «Марсель», сума трансферу склала 29 млн еўра.

У ліпені 2023 года па пагадненні бакоў пакінуў «Марсель» у якасці свабоднага агента.

«Васка да Гама»

У жніўні 2023 года папоўніў склад бразільскага клуба «Васка да Гама».

Міжнародная кар’ера

9 кастрычніка 2010 года Дымітры дэбютаваў у складзе зборнай Францыі ў матчы супраць зборнай Румыніі (2:0). Выйшаўшы на замену ў канцы сустрэчы, Пает паспеў дапамагчы сваёй камандзе, зрабіўшы дзейсную перадачу. 12 кастрычніка 2010 года ў адборачным матчы да чэмпіянату Еўропы супраць зборнай Люксембурга форвард «Сент-Эцьена» таксама адзначыўся галявой перадачай.

Крыніцы

  1. ↑ Dimitri Payet // Transfermarkt — 2000. Праверана 9 кастрычніка 2017.
  2. ↑ Dimitri Payet // GeneaStar
  3. ↑ «Payet completes move to Lille» Архівавана 27 лютага 2014.. Agence France Presse.
  4. ↑ «Ambitious Payet agrees four-year Lille deal». Union of European Football Associations.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.