Славутасць
Дом па вуліцы Максіма Багдановіча, 21
53°54′33″ пн. ш. 27°33′27″ у. д.
Краіна	Беларусь
Горад	Мінск
Дата пабудовы	першая палова XIX
Статус	Гісторыка-культурная каштоўнасць Беларусі, шыфр 711Е000001

Дом па вуліцы Максіма Багдановіча, 21 — будынак у Мінску, размешчаны ў Траецкім прадмесці, на рагу вуліц Максіма Багдановіча (№ 21) і Старажоўскай (№ 1). Пабудаваны ў першай палове XIX ст. з цэглы.

Архітэктура

Дом № 21/1 ўяўляе сабой прамавугольны ў плане трохпавярховы будынак накрыты вальмавым чатырохсхільным дахам. Галоўны фасад мае сіметрычную кампазіцыю. Яго цэнтральная частка з шырокім дзвярным праёмам вылучана лапаткамі на ўсю вышыню будынка. Фасады вырашаны плоскасна, прарэзаны прамавугольнымі вокнамі з простымі ліштвамі. На 3-м паверсе сіметрычна размешчаны 2 невялікія балконы з ажурнай агароджай (чыгуннае ліццё). На даху прарэзаны фігурная (у цэнтры) і 2 бакавыя прамавугольныя люнеты.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх