Дом па Першамайскай вуліцы, 31 (Магілёў)

Дом па Першамайскай вуліцы, 31
Дом па Першамайскай вуліцы, 31
Краіна	Беларусь;
Месцазнаходжанне	Магілёў;
Архітэктар	Ігар Іванавіч Фралоў
	Медыяфайлы на Вікісховішчы

Дом па Першамайскай вуліцы, 31 (таксама вядомы як «кітайская сцяна») — жылы дом у гістарычным цэнтры Магілёва. Пабудаваны ў 1981 г. з цэглы паводле праекта архітэктараў І. Фралова і Г. Борахава^[1], распрацаваным у 1973—1978 гадах^[2].

У тарцавой частцы, якая выходзіла на вул. Будзённага, размяшчаўся Дом архітэктара, які злучаўся галерэяй з Магілёўграмадзянпраектам. Цяпер памяшканні займае БРСМ.

Архітэктура

Размешчаны на значнай адлегласці ад лініі забудовы вуліцы (каля 120 м), што ўтварае пешаходную зону, добраўпарадкаваную газонамі і дэкаратыўнымі басейнамі. Складаецца з некалькіх аб’ёмаў. Першы (9-павярховы) галоўным падоўжаным фасадам (да 200 м) выходзіць на вул. Першамайскую, другі (12-павярховы) злучаны з тарцом першага, выходзіць на вул. Будзённага. Да галоўнага фасада 9-павярховага аб’ёму далучаны два 2-павярховыя аб’ёмы — магазін і рэстаран «Габрава». У выніку ствараецца прасторава-развітая кампазіцыя, якая арганічна ўпісваецца ў навакольную забудову. У інтэр’еры рэстарана — дэкаратыўныя пано (разьба па дрэве)^[1].

2-павярховы аб’ём магазіна

Першыя 2 паверхі 9-павярховага аб’ёму суцэльнага зашклення з чляненнем у выглядзе пілонаў. Тут размешчаны розныя ўстановы і прадпрыемствы бытавога абслугоўвання. Астатнія 7 паверхаў жылыя, вырашаны адзіным архітэктурным прыёмам: рознай даўжыні балконы з вертыкальнымі бакавымі перагародкамі. Спалучэнне раўнамернага рытму аконных праёмаў і балконаў надае галоўнаму фасаду аб’ёмнасць і цэласнасць. Сцены абліцаваны каляровай пліткай, што стварае насычаную гаму фасада. У апрацоўцы цокаля выкарыстаны граніт. У доме 228 кватэр. Кватэры арыентаваны на абодва бакі дома, балконы з боку галоўнага і дваровага фасадаў. Ліфты вынесены за габарыты дома, убудаваны ў спецыяльныя шахты^[1].

Рэстаран «Габрава»

Рэстаран «Габрава», названы ў гонар балгарскага горада-пабраціма Магілёва, адкрыты ў 1980 годзе. Гандлёвая плошча складае 529 м². Адначасова можа абслужыць 220 чал. У савецкія часы ўвечары іграў вакальна-інструментальны ансамбль. Інтэр’еры ўпрыгожаны разнымі драўлянымі пано (мастак Г. Данілавіч)^[3].

Зноскі

1 2 3 Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
↑ Фралоў Ігар Іванавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
↑ «Габрово» // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Літаратура

Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
«Габрово» // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Спасылкі

На Вікісховішчы ёсць медыяфайлы па тэме Дом па Першамайскай вуліцы, 31 (Магілёў)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[ЗП-1] 1 2 3 Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

[2] Фралоў Ігар Іванавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

[3] «Габрово» // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

[1]

[2]

[3]