Славутасць
Дом Капцелева
Дом у 1918 годзе
53°53′52″ пн. ш. 30°19′56″ у. д.
Краіна	Беларусь
Месцазнаходжанне	Магілёў
Медыяфайлы на Вікісховішчы

Дом Капцелева — колішні будынак у Магілёве, які размяшчаўся на рагу вуліц Першамайскай (былым Дняпроўскім праспекце) і Лазарэнкі (былой Віленскай), на паўночным боку Тэатральнай плошчы. Меў адрас вуліца Першамайская № 20. Цяпер яго месца займае тратуар перад абласной філармоніяй. З поўдня да дома прымыкаў гатэль «Францыя» (таксама знішчаны).

Частка дома ў сакавіку 1918 года

Паводле Ведамасці аб вызначэнні нерухомай маёмасці за студзень 1919 г. належаў Мікалаю Патапавічу Капцелеву і Марыі Патапаўне Бако. Мураваны двухпавярховы будынак з падвалам плошчай 246 квадратных сажняў. На першым паверсе знаходзіліся: кватэра занята пад аптэку Магілёўскага губернскага аддзела народнай аховы здароўя. Другую кватэру займаў Сімон Ісакавіч Малькензон. Другі паверх заняты пад канцылярыю Акружнога аддзела па запісу актаў грамадзянскага стану.

Дом згарэў у час абароны Магілёва ў 1941 годзе. Ацалелыя сцены знесены пасля вайны.

Спасылкі

• На Вікісховішчы ёсць медыяфайлы па тэме Дом Капцелева
• Дзьячкоў А. У. АД ВІКТАРА ГАЛЫНСКАГА І ПЯТРА ЯЦЫНЫ ДА ДОМА ДВАРАНСТВА І ГАТЭЛЯ «БРЫСТОЛЬ»