Дзмітрый Мікалаевіч Жураўлёў
Дата нараджэння	20 мая 1915(1915-05-20)
Месца нараджэння	Жлобін, Лукаўская воласць[d], Рагачоўскі павет, Магілёўская губерня, Расійская імперыя
Дата смерці	1 сакавіка 1988(1988-03-01) (72 гады)
Род дзейнасці	музыказнавец, кантрабасіст
Месца працы	Дзяржаўны акадэмічны народны аркестр Рэспублікі Беларусь імя Іосіфа Жыновіча Сімфанічны аркестр Белрадыёцэнтра Дзяржаўны акадэмічны сімфанічны аркестр Рэспублікі Беларусь Першы Нацыянальны канал Беларускага радыё
Альма-матар	Беларуская дзяржаўная кансерваторыя імя А. В. Луначарскага (1947)
Член у	БСТД Беларускі саюз кампазітараў
Узнагароды

Дзмітрый Мікалаевіч Жураўлёў (20 мая 1915, г. Жлобін, цяпер Гомельская вобласць — 1 сакавіка 1988) — беларускі музыказнавец, кантрабасіст. Заслужаны дзеяч культуры БССР (1968).

Біяграіфя

З 1931 года ў Беларускім ансамблі народных інструментаў і сімфанічным аркестры Беларускага радыё, у 1937—1960 гадах (з перапынкам) у сімфанічным аркестры Беларускай філармоніі. Вучыўся ў 1944—1947 гадах у Беларускай кансерваторыі. З 1956 года рэдактар, у 1964—1970 гадах галоўны рэдактар музычнага вяшчання Беларускага радыё.

Член Беларускага саюза тэатральных дзеячаў з 1966 года, член Беларускага саюза кампазітараў з 1967 года.

Навуковая дзейнасць

Аўтар даведнікаў «Кампазітары Савецкай Беларусі» (1966) і «Саюз кампазітараў БССР» (1978), біяграфічных нарысаў пра Л. Абеліёвіча, М. Аладава, Г. Вагнера, Дз. Лукаса, І. Любана, П. Падкавырава, Р. Пукста, Ю. Семяняку, А. Туранкова, Я. Цікоцкага, М. Чуркіна, творчых партрэтаў майстроў сцэны, у т.л. Л. Александроўскай, З. Бабія, С. Данілюк, М. Дружыны, С. Друкер, М. Зюванава, В. Мальковай, В. Чарнабаева, больш за 300 музычных тэлевізійных і радыёперадач.

Зноскі

Літаратура

• Варфаламеева Т. Б. Жураўлёў Дзмітрый Мікалаевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

• Жураўлёў Дзмітрый Мікалаевіч на сайце анлайн-энцыклапедыі «Беларусь у асобах і падзеях»