Джордж Абела
мальт.: Ġorġ Abela
прэзідэнт Мальты 4 красавіка 2009 — 4 красавіка 2014
Папярэднік	Эдвард Фенек Адамі
Пераемнік	Мары-Луіз Калейра Прэка
Нараджэнне	22 красавіка 1948(1948-04-22)[1][2] (75 гадоў) Кормі, Southern Region (Nofsinhar)[d], Мальта, Каралеўства Вялікабрытанія
Жонка	Margaret Abela[d]
Дзеці	Роберт Абела
Партыя	Лейбарысцкая партыя
Адукацыя	Мальтыйскі ўніверсітэт
Дзейнасць	палітык
Узнагароды
Медыяфайлы на Вікісховішчы

Джордж Абела (мальт.: Ġorġ Abela, англ.: George Abela, нар. 22 красавіка 1948) — мальтыйскі палітык-лейбарыст, прэзідэнт Мальты з 4 красавіка 2009 па 4 красавіка 2014.

Біяграфія

Скончыўшы Мальтыйскі ўніверсітэт, з 1975 Джордж Абела працаваў юрыстам, актыўна ўдзельнічаючы ў дзейнасці прафсаюзных арганізацый. У 1982—1992 ён з’яўляўся прэзідэнтам Футбольнай асацыяцыі Мальты і шмат зрабіў для развіцця спартыўнай інфраструктуры. Затым ён быў абраны намеснікам старшыні Лейбарысцкай партыі па партыйных справах, а ў 1996 пасля перамогі партыі на парламенцкіх выбарах саветнікам прэм’ер-міністра Альфрэда Санта, але ўжо ў наступным годзе з-за рознагалоссяў з апошнім сышоў у адстаўку. У 1998 ён пакінуў партыйны пост, а ў 2000 годзе сышоў з прафсаюзнага кіраўніцтва, заняўшыся прыватнай юрыдычнай практыкай. У 2008 ён удзельнічаў у выбарах лідара лейбарыстаў, але заняў другое месца, атрымаўшы ў другім туры каля 34 % галасоў.

У 2009 парламент Мальты абраў Джорджа Абела новым прэзідэнтам краіны. Паколькі ва ўладзе ў краіне знаходзілася кансерватыўная Нацыяналістычная партыя, гэта стала першым выпадкам абрання на Мальце прэзідэнта ад дзеючай апазіцыі.

Зноскі

Спасылкі

• Афіцыйны сайт прэзідэнта Мальты. Архівавана 6 жніўня 2009. (англ.)