Джон Грыгс Томпсан
англ.: John Griggs Thompson
Дата нараджэння	13 кастрычніка 1932(1932-10-13)[1][2] (91 год)
Месца нараджэння	Атава, акруга Франклін[d], Канзас, ЗША
Грамадзянства	ЗША
Род дзейнасці	матэматык, выкладчык універсітэта
Навуковая сфера	тэорыя груп і матэматыка
Месца працы	Гарвардскі ўніверсітэт[3][4] Чыкагскі ўніверсітэт[3] Кембрыджскі ўніверсітэт[3] Фларыдскі ўніверсітэт[4]
Навуковая ступень	доктар філасофіі
Альма-матар	Ельскі ўніверсітэт (1955)[3] Чыкагскі ўніверсітэт (1959)[3] Старшая школа Атавы[d]
Навуковы кіраўнік	Саўндэрс Мак-Лейн[d]
Член у	Лонданскае каралеўскае таварыства Нарвежская акадэмія навук Нацыянальная акадэмія дэі Лінчэі Нацыянальная акадэмія навук ЗША Амерыканская акадэмія мастацтваў і навук
Узнагароды	Філдсаўская прэмія (1970) член Лонданскага каралеўскага таварыства (1979) Абелеўская прэмія (2008) медаль дэ Моргана[d] (2013) прэмія Коўла па алгебры[d] (1965) Медаль Сільвестра (1985) прэмія Пуанкарэ (1992) Прэмія Вольфа па матэматыцы (1992) Старшая прэмія Бервіка[d] (1982)
Медыяфайлы на Вікісховішчы

Джон Грыгс Томпсан (англ.: John Griggs Thompson; нар. 13 кастрычніка 1932, Атава, штат Канзас, ЗША) — матэматык-алгебраіст, спецыяліст у галіне канечных груп, прафесар кафедры матэматыкі Фларыдскага ўніверсітэта ў Гейнсвіле (Фларыда). Адзін з двух матэматыкаў у свеце (разам з Жанам-П’ерам Серам) — лаўрэат адразу трох прэмій: медалі Філдса (1970), прэміі Вольфа (1992) і прэміі Абеля (2008).

Біяграфія

Нарадзіўся 13 кастрычніка 1932 года ў горадзе Атава (штат Канзас, ЗША). У 1955 годзе атрымаў ступень бакалаўра ў Ельскім універсітэце.

У 1959 годзе ў Чыкагскім універсітэце абараніў дысертацыю на суісканне вучонай ступені доктара філасофіі. Праца была выканана пад кіраўніцтвам аднаго з заснавальнікаў тэорыі катэгорый Саўндэрса Мак-Лейна.

Да 1962 года Джон Томпсан працаваў дацэнтам Гарвардскага ўніверсітэта, затым быў прызначаны на пасаду прафесара факультэта матэматыкі Чыкагскага ўніверсітэта, дзе ён прапрацаваў да 1970 года. Пасля Чыкага Томпсан заняў пасаду прафесара матэматыкі Кембрыджскага ўніверсітэта (Вялікабрытанія) і толькі праз 23 гады бесперапыннай працы ў Кембрыджы вярнуўся ў Злучаныя Штаты, дзе прыняў цяперашнюю пасаду прафесара (Professor emeritus) ва ўніверсітэце штата Фларыда.

Джон Томпсан разам са званнем ганаровага прафесара матэматыкі Кембрыджскага ўніверсітэта атрымаў званне ганаровага доктара ў Ельскім, Оксфардскім і Ілінойскім універсітэтах, а таксама ва ўніверсітэце штата Агая. Член Нацыянальнай акадэміі навук ЗША (1971), Амерыканскай акадэміі мастацтваў і навук (1998), Лонданскага каралеўскага таварыства (1979), Нарвежскай акадэміі навук і літаратуры, замежны член Акадэміі навук Італіі.

Зноскі