| Гіпатанія | |
|---|---|
_patient_getting_her_blood_pressure_checked.png.webp) | |
| МКХ-10 | I95. |
| МКХ-9 | 458 |
| МКБ-9-КМ | 458[1], 458.8[1] і 458.9[1] |
| DiseasesDB | 6539 |
| MedlinePlus | 007278 |
| MeSH | D007022 |
 Медыяфайлы на Вікісховішчы | |
Гіпатанія — зніжэнне тонусу цягліц, органа або сістэмы. Найбольш часта тэрмін гіпатанія ўжываюць для абазначэння паніжэння крывянога ціску ніжэй за 105/65 мм рт. слупка. (14/8,7 кн/м²) у мужчын і 96/60 мм рт. арт. (13,2/ 8кн/м²) у жанчын з прычыны зніжэння тонусу сардэчна-сасудзістай сістэмы.
Вылучаюць некалькі формаў сасудзістай гіпатаніі:
- Фізіялагічная, або адаптацыйная — форма гіпатаніі, якая сустракаецца ў многіх людзей (фізічна трэніраваныя людзі, спартсмены, жыхары паўднёвых раёнаў і інш); паніжэнне артэрыяльнага ціску не суправаджаецца якімі-небудзь хваравітымі сімптомамі і цалкам кампенсуецца гемадынамічнымі велічынямі. Спецыяльнага лячэння не патрабуецца.
- Сімптаматычная гіпатанія — адна з прыкмет шэрагу захворванняў (многія інфекцыйныя захворванні, сухоты, пухліны, некаторыя захворванні сэрца і інш.) Лячэнне накіравана на ліквідацыю асноўнага захворвання.
- Першасная, або нейрацыркуляторная гіпатанія развіваецца як самастойны паталагічны працэс у выніку шкодных уплываў на нейрагумаральны апарат, які рэгулюе сасудзісты тонус (адмоўныя эмоцыі, перагрузка нервовай сістэмы ў выніку разумовага перанапружання, шкодныя звычкі - курэнне, ужыванне алкаголю, некаторыя прафесійныя шкоднасці і г.д.). Гэтая форма гіпатаніі можа ўзнікаць раптоўна і праяўляцца калапсам, шокам. Хранічная першасная гіпатанія праяўляецца галаўнымі болямі, галавакружэннем, паніжэннем адаптацыі да змены становішча цела, дрэнным сном, сэрцабіццем і г.д. У выпадку прагрэсавання працэсу развіваецца гіпатанічная хвароба.
Лячэнне: ліквідацыя прычыны, якая выклікала гіпатанію, правільны рэжым працы, адпачынку і харчавання, лячэбная гімнастыка, фізіятэрапеўтычныя працэдуры, медыкаментозная тэрапія; санаторна-курортнае лячэнне.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.