Гусь-гуменніца
Навуковая класіфікацыя
Міжнародная навуковая назва

Anser fabalis (Latham, 1787)

Ахоўны статус

Сістэматыка
на Віківідах
Выявы
на Вікісховішчы
ITIS  175024
NCBI  132587
EOL  18015
FW  368593
Anser fabalis

Гусь-гуменніца (Anser fabalis) — птушка з сямейства Качыныя.

Агульная характарыстыка

Гусь-гуменніца — буйная птушка буравата-шэрай афарбоўкі, які нагадвае шэрую гусь. Дзюба чорная з аранжавай палоскай пасярэдзіне. Ногі аранжава-жоўтыя. Маладыя птушкі са светла-жоўтымі нагамі і чорнай дзюбай. Самец і самка не адрозніваюцца па афарбоўцы, аднак самка некалькі драбней. Маса цела вагаецца ад 2,5 да 4,5 кг і вышэй. Даўжыня цела 66-90 см, размах крылаў 142—175 см.

Распаўсюджванне

Гусь-гуменніца насяляе тундру і тайгу Еўразіі ад Грэнландыі да Далёкага Усходу.

Зімуе на марскіх узбярэжжах Сярэдняй Еўропы і Азіі, на Чорным і Міжземным морах, часткова ў Сярэдняй Азіі, у Японіі і паўднёва-ўсходнім Кітаі.

На Беларусі звычайны від у час транзітных міграцый.

Асаблівасці біялогіі

Гняздо на сухім грунце або купіне, у ямцы або на ўтаптанай сухой расліннасці; чашападобнае, з сухой расліннасці, па краях гнязда пух і пер’е наседжваючай самкі

Яйкі (3-4) пераважна падоўжаныя, брудна-белыя. Памеры: 82 х 56 мм.

Падвіды

Адрозніваюцца дзве групы падвідаў.

  • Пашыраныя ў тундры:
    • A. f. rossicus,
    • A. f. johanseni,
    • A. f. serrirostris — Новая Зямля.
  • Пашыраныя ў тайзе:
    • A. f. fabalis,
    • A. f. middendorffii — ад паўночнай Скандынавіі да Урала.

Літаратура

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X
  • Бейчек В., Штясны К. Птицы. Иллюстрированная энциклопедия — М.: Лабиринт-пресс
  • Ганзак Я. Иллюстрированная энциклопедия птиц — Прага: Артия, 1974.
  • Жизнь Животных. Т. 6. Птицы — М.: Просвещение, 1986.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.