Грыфон
фр.: Griffon
Нараджэнне каля 726[1]
  • невядома
Смерць 753[1][2]
Род Арнульфінгі[d][1]
Бацька Карл Мартэл[1]
Маці Свангільда[d][1]
Дзейнасць феадал

Грыфон (лац.: Grifo, 726—753) — сын Карла Мартэла Герыстальскага, франкскага маярдома, ад наложніцы (паводле іншых даных, другой жонкі) Свангільды.

Біяграфія

Пасля смерці бацькі Грыфон, якога яго адзінакроўныя браты Піпін Кароткі і Карламан лічылі незаконнанароджаным, прэтэндаваў на сваю долю ва ўладзе. Неўзабаве ён быў пасаджаны братамі ў манастыр пасля таго, як яны зманам завабілі яго на сустрэчу. У 747 годзе Грыфон бег з манастыра ў Баварыю да герцага Адзілона, які аказаў яму ўсялякую дапамогу. Пасля смерці Адзілона ў 748 годзе Грыфон сам абвясціў сябе герцагам Баварыі.

Піпін Кароткі, які тады ўжо стаў, пасля саслання ў манастыр Карламана, адзінаўладным маярдомам Франкскага каралеўства, уварваўся ў Баварыю, разбіў войскі Грыфона і пасадзіў на баварскі прастол малалетняга сына Адзілона, Тасілона III. Грыфон не склаў зброі, ізноў бег і працягваў дзеянні супраць Піпіна Кароткага (з 751 года караля франкаў) з новай арміяй, пакуль не быў забіты ў 753 годзе ў баі пры Сен-Жан-дэ-Мар'ене.

Зноскі

  1. 1 2 3 4 5 Settipani C. La Préhistoire des Capétiens: Première partie : Mérovingiens, Carolingiens et Robertiens — Villeneuve-d'Ascq: 1993. — P. 177–178. — ISBN 978-2-9501509-3-6
  2. ↑ Grifóne // Sapere.it — De Agostini Editore, 2001.
  3. ↑ Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.

Літаратура

  • Лебек С. Происхождение франков. V—IX века / Перевод В. Павлова. — М.: Скарабей, 1993. — Т. 1. — 352 с. — (Новая история средневековой Франции). — 50 000 экз. — ISBN 5-86507-001-0
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.