Герб Сан-Марына
Дэталі
Заснаванне XIV стагоддзе

Герб Сан-Марына з'явіўся ў XIV ст. Гэта сімвал свабоды і суверэнітэта самай старой рэспублікі ў свеце. Герб Сан-Марына упрыгожвае нацыянальны сцяг і эмблему футбольнай каманды FSGC.

Апісанне

Герб складаецца з наступных дэталяў:

  • На сінім шчыце намаляваны тры зялёныя гары, на кожнай з іх знаходзіцца серабрыстая вежа, упрыгожаная страусіным пяром. Вежы азначаюць тры крэпасці Сан-Марына — Гуаіта, Тэста і Мантале, а горы — тры вяршыні Монтэ-Тытана.
  • Дэвіз «LIBERTAS» (лац.: свабода). Ён выяўляе захаванне незалежнасці гэтай невялікай краіны ў асяроддзі больш вялікіх дзяржаў, да таго ж з'яўляецца ўвасабленнем адданасці традыцыям дэмакратыі ў рэспубліцы. Гэтак жа гэта звязана з апошнімі словамі заснавальніка Сан-Марына Святога Марына: "Пакідаю вас вольнымі". Урад Сан-Марына неаднойчы даваў палітычны прытулак патрыётам іншых краін, якія ратаваліся ад рэпрэсій і ганенняў.
  • Дубовая і лаўровая галіны на гербе азначаюць стабільнасць і абарону волі.
  • Карона зверху азначае суверэнітэт і незалежнасць дзяржавы.

Гісторыя

На пачатковым варыняце герба на трох гарах веж не было зусім, выяўляліся толькі вяршыні гор, якія дымілі, нагадваючы вулканы. Праз некаторы час на гарах пачалі выяўляць алтары. Быў нават перыяд, калі на гарах выяўляліся чалавечыя голавы. Зрэшты, з часам на іх з'явілася сімвалічная выява трох крэпасцей краіны. Такі выгляд герб мае і ў наш час. Поле геральдычнага шчыта, на якім размешчаны малюнак, спачатку быў пафарбаваны ў белы колер, які ў 1797 годзе быў зменены на блакітны. Сённяшні выгляд герб атрымаў у 1862 годзе.

Гл. таксама

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.