Герб Коста-Рыкі

Герб Коста-Рыкі — афіцыйны герб Коста-Рыкі з 21 кастрычніка 1964 года.

Сімволіка

Два караблі сімвалізуюць Карыбскае мора і Ціхі акіян. Караблі таксама сімвалізуюць марскую гісторыю краіны, а ўзыходзячае сонца сімвалізуе свабоду. Тры гары сімвалізуюць тры галоўныя горныя ланцугі Коста-Рыкі, а таксама сімвалізуюць месцазнаходжанне краіны. Сем зорак — сімвал сямі правінцый Коста-Рыкі.

У верхняй частцы шчыта размешчаны надпісы па-іспанску «Коста-Рыка» і «Цэнтральная Амерыка».

Гісторыя

У перыяд існавання Цэнтральнаамерыканскай федэрацыі функцыі герба Коста-Рыкі выконваў герб федэрацыі. Аднак у 1824 г. быў усталяваны герб для Коста-Рыкі. Ён уяўляў сабой дыск з выявай працягнутай рукі сярод 10 вулканаў і надпісу «Свабодная дзяржава Коста-Рыка».

Пасля распаду Цэнтральнаамерыканскай федэрацыі Коста-Рыка здабыла поўную незалежнасць. У 1840 годзе былі прыняты новыя герб і сцяг. Васьміканцовую сярэбраную зорку ў цэнтры герба з прамянямі ў выглядзе галінак атачалі вянок з галінак лаўра і мірта і надпіс «Дзяржава Коста-Рыка».

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.