Герб Канарскіх астравоў
Дэталі
Зацверджаны 10 жніўня 1982
Заснаванне 1982

Герб Канарскіх астравоў уяўляе сабой шчыт, у блакітным полі якога сем срэбраных астравоў: 2, 2, 2 і 1. Шчыт увянчаны залатой іспанскай каралеўскай каронай. Шчыт падтрымліваюць два сабакі натуральнага (карычневага) колеру з нашыйнікамі. Над шчытом срэбраная дэвізная стужка з надпісам чорнымі літарамі «Oceano».

Сімволіка

Срэбраныя астравы пасярод блакітнага поля сімвалізуюць сем вулканічных астравоў Канарскага архіпелага. Карона азначае прыналежнасць астравоў Іспаніі. У якасці шчытатрымальнікаў абраны сабакі, з прычыны таго, што назва астравоў утворана ад лацінскага слова canis, што азначае «сабака». Дэвіз перакладаецца як «Акіян», сімвалізуючы геаграфічнае становішча астравоў пасярод Атлантычнага акіяна.

Паводле артыкула ў газеце «La Opinion de Tenerife» за 25 кастрычніка 2004 года, парламенцкая камісія па рэформе статусу аўтаноміі прапанавала прыбраць з сабак, якія трымаюць шчыт, нашыйнікі, якія азначаюць прыручаных сабак, у той час як гэтыя жывёлы павінны б быць дзікімі. Дыскусія стала працягам адхіленай прапановы аб тым, каб увогуле прыбраць шчытатрымальнікаў з герба[1].

Зноскі

  1. ↑ Canary Islands (Spain) // CRW Flags' Online Catalog. (англ.)

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.