Генрых I Шампанскі
фр.: Henri 1er le Libéral
граф Шампані 1152 — 1181
Папярэднік	Цібо II Вялікі
Пераемнік	Генрых II Шампанскі
Нараджэнне	снежань 1127 Вітры-эн-Пертуа[d], canton of Vitry-le-François-Est[d], arrondissement of Vitry-le-François[d], дэпартамент Марна, рэгіён Шампань — Ардэны, Францыя
Смерць	16 сакавіка 1181 (53 гады) Труа, графства Шампань[d][1]
Месца пахавання	Saint-Étienne (Troyes)[d]
Род	Дом Блуа-Шампань
Бацька	Цібо II Шампанскі
Маці	Мацільда Карынфская[d]
Жонка	Марыя Французская[d][2]
Дзеці	Генрых II, Схаластыка Шампанская[d], Марыя Шампанская[d] і Цібо III[d]
Дзейнасць	арыстакрат
Медыяфайлы на Вікісховішчы

Генрых I Шчодры (фр.: Henri 1er le Libéral; снежань 1127 — 17 сакавіка 1181^[3], Труа) — граф Шампані і Бры (1152—1181), старэйшы сын Цібо II Вялікага, графа Шампані і Мацільды Карынтыйскай. Брат каралевы Адэлі Шампанскай, жонкі караля Людовіка VII Французскага.

Біяграфія

Генрых браў удзел у Другім крыжовым паходзе. Ён вёз рэкамендацыйнае пісьмо ад Бернарда Клервоскага да візантыйскага імператара Аляксея I Камніна. Яго імя стаіць у спісе прысутных натабляў на сходзе, праведзеным Балдуінам III Іерусалімскім у Акры 24 чэрвеня 1148 года.

Пасля смерці свайго бацькі Генрых узяў сабе Шампань, аддаўшы астатнія ўладанні (уключаючы Блуа, Шартр, Сансер і Шатадзён) сваім малодшым братам. Тады гэта магло падацца дзіўным, бо іншыя ўладанні былі багацейшымі і лепш развіты. Генрых, мабыць, ужо тады разглядзеў эканамічныя магчымасці Шампані. І сапраўды, на працягу яго кіравання Шампанскае графства стала адным з самых багатых і магутных сярод французскіх княстваў.

Генрых стаў сюзерэнам прыблізна 2 тысяч васалаў — нешматлікія феадалы Францыі маглі з ім у гэтым параўнацца. Дзякуючы гэтаму, Шампанскае графства стала адным з самых бяспечных месцаў для гандлю, што прывяло да бурнага развіцця кірмашоў у Шампані. Гэтыя кірмашы сталі цэнтрамі гандлёвых і фінансавых аперацый, на якія з'язджаліся гандляры не толькі з усёй Францыі, але і з усёй Еўропы.

Двор графа, які размяшчаўся ў Труа, стаў вядомым літаратурным цэнтрам. Напрыклад, пісьменнік Уолтэр Мап быў адным з тых, хто гасцявалі тут. Навуковы Стывен Алінер быў адным з прыдворных Генрыха, у 1176 годзе ён стаў канцлерам графства.

Грабніца Генрыха Шампанскага

У 1179 годзе Генрых ізноў адправіўся ў Іерусалім з групай французскіх рыцараў, уключаючы яго сваякоў П'ера дэ Куртэнэ (брата Людовіка VII) і Філіпа дэ Дро, біскупа Бавэ. На зваротным шляху, вяртаючыся праз Малую Азію, Генрых быў захоплены сельджукскім султанам Рума Кылыч-Арсланам II, які трымаў яго ў палоне да выплаты выкупу. Выкуп заплаціў візантыйскі імператар, Генрых быў вызвалены, але неўзабаве памёр.

Сям'я і дзеці

Жонка: (з 1164) Марыя Французская (1145—1198), дачка Людовіка VII Маладога, караля Францыі і Элеаноры Аквітанскай. Мелі 4-х дзяцей:

• Схаластыка Шампанская (пам. 1219); муж — Гіём IV (пам. 1226), граф дэ Макон.
• Генрых II Шампанскі (1166—1197), пфальцграф Шампані, затым кароль Іерусаліма.
• Марыя Шампанская (1174—1204); муж — (з 1186) Бадуэн IX Фландрскі (пам. 1206), граф Фландрыі і граф Генегау, затым імператар Лацінскай імперыі.
• Цібо III Шампанскі (1179—1201), граф Шампані.

Зноскі