Гасдрубал Баркід
Род дзейнасці	военачальнік
Дата нараджэння	245 да н.э.
Месца нараджэння	Карфаген, Афрыканскі экзархат, Візантыя
Дата смерці	207 да н.э.
Месца смерці	Metauro[d], Рымская рэспубліка
Грамадзянства	Карфаген
Бацька	Гамількар Барка[1]
Прыналежнасць	Карфаген
Бітвы/войны	Другая Пунічная вайна Battle of Cissa[d] Battle of Ebro River[d] Battle of the Upper Baetis[d] Battle of Baecula[d] Battle of the Metaurus[d] Battle of Cannae[d][2]
Медыяфайлы на Вікісховішчы

Гасдрубал або Газдрубал (лац.: Hásdrubal; памёр 23 чэрвеня 207 да н.э.) — карфагенскі палкаводзец, які адыграў важную ролю ў Другой Пунічнай вайне. Быў другім сынам Гамількара Баркі і малодшым братам Ганібала. Калі апошні адправіўся паходам у Італію, Гасдрубал стаў камандуючым карфагенскімі сіламі ў Іспаніі (218 год да н.э.). У тым жа годзе ў рэгіёне з’явіліся рымскія войскі на чале з братамі Сцыпіёнамі, якія атрымалі падтрымку часткі мясцовых плямён. Гасдрубал ваяваў супраць іх з пераменным поспехам. У 216 годзе да н.э. ён атрымаў з Карфагена загад ісці ў Італію на злучэнне з братам, але ў самым пачатку шляху пацярпеў поўнае паражэнне пры Іберы і перапыніў паход.

З 215 года Гасдрубал быў адным з трох карфагенскіх военачальнікаў у рэгіёне. У 212 годзе сумесна з калегамі разграміў абодвух Сцыпіёнаў (апошнія загінулі ў баях), але рымляне захавалі частку сваіх пазіцый і даслалі новага камандзіра — Публія Карнелія Сцыпіёна, у будучыні Афрыканскага. Гасдрубал не змог перашкодзіць рымлянам узяць Новы Карфаген (209 год), а ў 208 годзе прайграў Сцыпіёну вялікую бітву пры Бекуле. Пасля гэтага ён рушыў, нарэшце, у Італію. Рымляне палічылі гэты паход вялікай пагрозай і засяродзілі супраць Гасдрубала войскі абодвух консулаў. У бітве на рацэ Метаўра ў Паўночнай Італіі ў чэрвені 207 года да н.э. карфагенская армія была знішчана, а сам Гасдрубал загінуў.

Зноскі