Гамільтан Сміт
англ.: Hamilton Othanel Smith
Дата нараджэння 23 жніўня 1931(1931-08-23)[1][2][…] (92 гады)
Месца нараджэння
Грамадзянства
Род дзейнасці біятэхнолаг, біяхімік, біёлаг, мікрабіёлаг
Навуковая сфера мікрабіялогія і малекулярная біялогія[7]
Месца працы
Альма-матар
Вядомы як адкрыццё рэстрыкцыйных ферментаў
Член у
Узнагароды
Лагатып Вікісховішча Медыяфайлы на Вікісховішчы

Гамільтан Отанел Сміт[9] (англ.: Hamilton Othanel Smith; нар. 23 жніўня 1931, Нью-Ёрк, ЗША) — амерыканскі мікрабіёлаг і генетык, лаўрэат Нобелеўскай прэміі ў галіне медыцыны і фізіялогіі ў 1978 годзе разам з В.Арберам і Д.Натансам за адкрыццё рэстрыкцыйных ферментаў[10][11].

Біяграфія

Гамільтан Сміт нарадзіўся 23 жніўня 1931 года ў Нью-Ёрку, дзе ў той час яго бацька быў аспірантам ў Калумбійскім універсітэце. Скончыў школу ў горадзе Урбана штат (Ілінойс) і пачаў вучыцца ў Ілінойскім універсітэце ва Урбана-Шампэйн, але ў 1950 годзе перавёўся ва ўніверсітэт Каліфорніі ў Берклі, які і скончыў у 1952 годзе па спецыяльнасці матэматыка.

Скончыў медыцынскі каледж універсітэта Дж. Хопкінса (1956), дзе і працуе з 1967 года (прафесар мікрабіялогіі з 1973 года, прафесар малекулярнай біялогіі і генетыкі з 1981 года).

Гамільтан Сміт кіраваў групай у Інстытуце Крэйга Вэнтэра, якая працавала над стварэннем сінтэтычнай бактэрыі Mycoplasma laboratorium. У 2003 годзе гэта група сінтэзавала геном бактэрыяфага Phi X174.

На даны момант Гамільтан Сміт з’яўляецца навуковым кіраўніком прыватнай кампаніі Synthetic Genomics, заснаванай Крэйгам Вэнтэрам у 2005 годзе для працягу гэтых работ. Зараз Synthetic Genomics працуе над праблемай вытворчасцю біяпаліва ў прамысловых маштабах, выкарыстоўваючы рэкамбінантныя водарасці і іншыя арганізмы[12].

Аўтар навуковых прац па вывучэнні ферментатыўных механізмаў сістэм рэстрыкцыі-мадыфікацыі, ферменталогіі генетычных рэкамбінацый, механізмаў бактэрыяльных трансфармацый, генетычнай рэгуляцыі ў пракарыётаў і эўкарыётаў.

Адкрыў рэстрыкцыйныя ферменты.

Член Нацыянальнай АН ЗША. Член-карэспандэнт Амерыканскай акадэміі мастацтваў і навук.

Зноскі

  1. ↑ Hamilton Othanel Smith // Encyclopædia Britannica Праверана 9 кастрычніка 2017.
  2. ↑ Hamilton Othanel Smith // Brockhaus Enzyklopädie Праверана 9 кастрычніка 2017.
  3. ↑ Timelines of History
  4. ↑ Timelines of History
  5. ↑ Werner Arber
  6. ↑ J. Craig Venter
  7. ↑ Czech National Authority Database Праверана 4 красавіка 2023.
  8. ↑ NNDB — 2002.
  9. ↑ БелЭн 2002.
  10. ↑ Shampo, M. A.; Kyle, R. A. (1995). «Hamilton Smith--Nobel Prize winner in medicine or physiology».
  11. ↑ Berg, K. (1978). «The Nobel prize in physiology and medicine 1978. Nobel prize to a controversial research field».
  12. ↑ Tikka, Juha-Pekka. Craig Venter Has Algae Biofuel in Synthetic Genomics’ Pipeline. Xconomy San Diego. 6/4/09.

Літаратура

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.