Габелянскі музычны фестываль
фота
Асноўная інфармацыя
Гады правядзення 2009 — цяперашні час
Краіна  Азербайджан
Горад Габеля
Заснавальнікі Фонд Гейдара Аліева
Міністэрства культуры і турызму Азербайджана
Тэматыка Класічная музыка
Джаз
Мугам

Габелянскі музычны фестываль (азерб.: Qəbələ Musiqi Festivalı) — фестываль класічнай музыкі, а таксама джаза і мугама, з 2009 года праходзіць кожнае лета ў азербайджанскім горадзе Габеля (Габелянскі раён).

Фестываль праводзіцца па ініцыятыве Фонду Гейдара Аліева, пры падтрымцы Міністэрства культуры і турызму Азербайджанскай Рэспублікі. Выступы музыкантаў праходзяць пад адкрытым небам і ў камерных канцэртных залах Габалы. Прымаюць удзел у фестывалі аркестры і выканаўцы з розных краін свету. Кожныя два гады праходзіць міжнародны фартэпіянны конкурс.

У 2010 годзе фестываль адкрыла першая лэдзі Азербайджана Мехрыбан Аліева. Як і ў 2009 годзе фестываль пачаўся з выканання уверцюры з оперы «Кераглы» У. Гаджыбекава. Фестываль праводзіўся з удзелам Лонданскага каралеўскага філарманічнага аркестра Вялікабрытаніі. Таксама ў фэсце прымалі музыкі Юрый Башмет, Хлоя Хансліп, піяніст Барыс Беразоўскі і многія іншыя азербайджанскія і замежныя музыкі.

У 2011 годзе фестываль праходзіў з 15 ліпеня па 5 жніўня, разам з вядомымі выканаўцамі, раней якія выступалі на пляцоўках фестывалю, прынялі ўдзел упершыню запрошаныя зоркі Дзяніс Мацуеў, Шлома Мінц, Сяргей Лейферкус, Алёна Баева, у суправаджэнні Дзяржаўнага сімфанічнага аркестра «Новая Расія».

Чацвёрты па ліку фестываль прайшоў з 22 ліпеня па 5 жніўня 2012 года, аб'яднаўшы 350 музыкантаў з 10 краін свету. Адкрыў фестываль Дзяржаўны сімфанічны аркестр імя Узеіра Гаджыбекава, працягнуў Лонданскі Каралеўскі філарманічны аркестр пад кіраўніцтвам Шарля Дзютуа, квартэт славенскай філармоніі «Тарціні», Юрый Башмет, Барыс Беразоўскі, Дзмітрый Яблонскі, Фархад Бадалбейлі, Мурад Адыгезалзадэ і інш. Былі адзначаны юбілеі Мусліма Магамаева, Фікрэта Амірава і Ніязі. Была прадстаўлена прэм'ера музычнага твора Аляксандра Чайкоўскага «Рэквіем Хаджалы»[1].

Пяты музычны фестываль прайшоў з 24 ліпеня па 6 жніўня 2013 года. У ім прынялі ўдзел музыканты і музычныя калектывы з 11 краін, у тым ліку Ерусалімскі сімфанічны аркестр, Дзяржаўны сімфанічны аркестр «Новая Расія», Азербайджанскі дзяржаўны сімфанічны аркестр, кубінскі джаз-гурт «Septeto Santiaguero», салісты Аксана Яблонская, Ідыл Бірэт, Вадзім Рэпін, Сяргей Лейферкус, Фархад Бадалбейлі, Дзмітрый Яблонскі і інш[2]. У рамках пятага Габалінскага музычнага фестывалю быў арганізаваны вечар камернай музыкі памяці Сяргея Рахманінава[3].

Фотаздымкі

Зноскі

  1. ↑ Франгіз Лемберанская. Пасляслоўе да IV Габалінскага міжнароднага музычнага фестывалю. 1news.az. 7 жніўня 2012 г. (руск.)
  2. ↑ Свята класічнай музыкі ў Габале Архівавана 5 жніўня 2013.. «Эхо». 31 ліпеня 2013, № 137 (3059). (руск.)
  3. ↑ У рамках фестывалю ў Габале адбыўся вечар камернай музыкі. Азертадж. 28 ліпеня 2013 г. (руск.)

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.