| Віктар Мікалаевіч Ажгірэй | |
|---|---|
| Дата нараджэння | 12 ліпеня 1956 (67 гадоў) |
| Месца нараджэння | |
| Жанр | манументальна-дэкаратыўнае мастацтва[d] і станковы жывапіс[d] |
| Вучоба | |
| Уплыў | Гаўрыла Харытонавіч Вашчанка, Уладзімір Іванавіч Стальмашонак і Алег Уладзіміравіч Хадыка |
| Член у | |
Віктар Мікалаевіч Ажгірэй (нар. 12 ліпеня 1956, г.п.Гарадзішча, Брэсцкая вобласць) — беларускі мастак.
Біяграфія
Скончыў у 1976 годзе Мінскае мастацкае вучылішча, у 1983 годзе — Беларускі тэатральна-мастацкі інстытут. Вучыўся ў Г. Вашчанкі, У. Стальмашонка, А. Хадыкі. Удзельнік мастацкіх выставак з 1984 года.
Член Беларускага саюза мастакоў з 1993 года. Жыве ў пасёлку Ратамка Мінскай вобласці.
Творчасць
Працуе ў манументальна-дэкаратыўным і станковым жывапісе. Асноўныя творы: інтарсія «Францыск Скарына» ў бібліятэцы імя Ф. Скарыны, г. Барысаў; вітражы «Мінск старажытны, сучасны, святочны» на мінскім заводзе «Ударнік», «Памяць» у Чэрвеньскім краязнаўчым музеі, «Вілейка старажытная, Вілейка сучасная» ў Вілейскім краязнаўчым музеі, а таксама вітражы ў Палацах культуры гарадоў Мазыра і Нясвіжа, энкаўстыка «Асеннія промні» ў Мінскай клінічнай бальніцы; карціны «Свята ў Ратамцы», «Успамін аб Загорску», «Сады Заслаўя», «Восеньскі дзень». Творы знаходзяцца ў музеі фізкультуры і спорту пры Савеце Міністраў Беларусі.
Літаратура
- Ажгірэй Віктар Мікалаевіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.