Крыленкі Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	400 м
Ранейшыя назвы	Могілкавая вуліца Клубны завулак
Медыяфайлы на Вікісховішчы

Вуліца Крыленкі (руск.: улица Крыленко) — вуліца ў цэнтральнай частцы Магілёва. Размешчана ў Ленінскім раёне. Рух аўтатранспарту ад вуліцы Чэхава да вуліцы Першамайскай аднабаковы.

Гісторыя

Першапачаткова насіла назвы Могілкавая, Клубны завулак. У 1966 годзе названа ў гонар савецкага дзяржаўнага і партыйнага дзеяча Мікалая Васільевіча Крыленкі, аднаго з арганізатараў масавых рэпрэсій.

Размяшчэнне

Арыентавана з паўднёвага ўсходу на паўночны захад. Пачынаецца ад скрыжавання з вуліцай Першамайскай, з поўдня прымыкае вуліца Дзяржынскага, завяршаецца каля сквера 60 гадоў Кастрычніка, пераходзячы ў вуліцу Чэхава. Даўжыня вуліцы складае каля 400 м.

Забудова

Сучаснае аблічча вуліцы пачало фарміравацца ў канцы 1960-х гадоў. Забудавана пераважна 5-павярховымі жылымі дамамі.

Няцотны бок

Будынак былога дваранскага сходу на рагу з вуліцай Першамайскай

• (вул. Першамайская, 34) — трохпавярховы будынак былога дваранскага сходу (другая палова XIX стагоддзя). —  Гісторыка-культурная каштоўнасць Беларусі, шыфр 513Г000038
• (вул. Першамайская, 34а) — гандлёвы цэнтр «Магніт».

Цотны бок

Магілёўскі філіял Беларускай дзяржаўнай акадэміі музыкі

• № 8 (вуліца Дзяржынскага, 1) — Магілёўская абласная бібліятэка імя У. І. Леніна.
• № 10 — гандлёвы цэнтр «Панарама».
• № 12 — 5-павярховы будынак былога Магілёўскага гарадскога камітэта КПБ (1988, арх. К. Аляксееў). Цяпер у ім размяшчаецца Магілёўскі філіял Беларускай дзяржаўнай акадэміі музыкі.

Славутасці

Устаноўлена мемарыяльная дошка М. В. Крыленку (дом № 2).

Зноскі

Літаратура

• Крыленко улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Спасылкі

• На Вікісховішчы ёсць медыяфайлы па тэме Вуліца Крыленкі (Магілёў)