Клары Цэткін
Мінск
Фатаграфія
Агульная інфармацыя
Краіна Беларусь
Горад Мінск
Раён Маскоўскі
Працягласць 1,5 км
Найбліжэйшыя
станцыі метро		 Плошча Францішка Багушэвіча
Тралейбусныя маршруты 4, 7, 36, 44, 58
Аўтобусныя маршруты 24, 38, 46, 65, 73, 78, 151э, 163
Ранейшыя назвы Маляўскі завулак
Назва ў гонар Клара Цэткін
на OpenStreetMap
на Яндэкс.Картах
на Картах Google
Лагатып Вікісховішча Медыяфайлы на Вікісховішчы

Вуліца Клары Цэткін (да 1933 года - Маляўскі завулак) — вуліца ў Маскоўскім раёне Мінска, названая ў гонар дзеячкі нямецкага камуністычнага і фемінісцкага руху Клары Цэткін.

Размяшчэнне

Вуліца пачынаецца ад плошчы Мяснікова на скрыжаванні з вуліцай Маскоўскай як працяг вуліцы Бабруйскай. Вуліца арыентавана ў паўночна-заходнім напрамку. На скрыжаванні з вуліцай Нямігай і праспектам Дзяржынскага размешчана плошча Францішка Багушэвіча. Далей вуліца перасякаецца з вуліцамі Карла Лібкнехта, Іерусалімскай і Караля, заканчваецца перакрыжаваннем з вуліцамі Кальварыйскай і Ціміразева. На ўсход ад вуліцы праходзіць чыгуначная лінія маладзечанскага напрамку.

Пад вуліцай, акрамя метрапалітэна, знаходзяцца калектары для ракі Няміга і для адводу дажджавых вод.[1].

Прадпрыемствы і арганізацыі

На вуліцы размешчана некалькі прамысловых аб’ектаў (скургалантарэйная фабрыка ААТ «Галантэя», старыя карпусы тонкасуконна-прадзільнага камбіната ААТ «Сукно» і іншыя), адміністрацыйныя будынкі (Рэспубліканскі цэнтр гігіены, эпідэміялогіі і грамадскага здароўя, кіраванне канцэрна «Беллегпрам»). Таксама размешчаны бізнес-цэнтры, аўтабаза мінскага Гаррамаўтадара і іншыя нежылыя будынкі. Па стане на 2021 год вуліца актыўна забудоўваецца. Частка будынкаў на вуліцы была знесена ў сувязі з будаўніцтвам трэцяй лініі Мінскага метрапалітэна[2].

Грамадскі транспарт

Па вуліцы ажыццяўляецца інтэнсіўны рух аўтобусаў, тралейбусаў, маршрутных таксі. У 2020 годзе на плошчы Францішка Багушэвіча адкрыта аднайменная станцыя Мінскага метрапалітэна.

Зноскі

Літаратура

  • Виногоров Н.А. Улицы Московского района города Минска. — Мн.: В.М.Скакун, 1999. — С. 58.
  • Их именами названы... Улицы Минска: энциклопедический справочник / редкол.: В. В. Андриевич (гл. ред.) [и др.]. — Мн.: Беларуская энцыклапедыя імя Петруся Броўкі, 2014. — С. 430.
  • Лагатып Вікісховішча На Вікісховішчы ёсць медыяфайлы па тэме Вуліца Клары Цэткін (Мінск)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.