Вуліца Болдзіна (Магілёў)

Болдзіна
Магілёў
Болдзіна; Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Ранейшыя назвы	Фарны завулак; Семінарскі завулак
Паштовы індэкс	212000
	Медыяфайлы на Вікісховішчы

Вуліца Болдзіна (руск.: улица Болдина) — вуліца ў Ленінскім раёне Магілёва, у гістарычным цэнтры горада.

Гісторыя

Першапачаткова насіла назву Фарны завулак ад размешчанага на ёй Фарнага касцёла (1604), у часы Расійскай імперыі — назву Семінарскі завулак , якую атрымала ад Магілёўскай духоўнай семінарыі. У савецкія часы перайменава ў гонар савецкага военачальніка, камандуючага 50-й арміяй 2-га Беларускага фронту генерал-палкоўніка І. В. Болдзіна.

Пачатак вуліцы каля драматычнага тэатра

Арыентавана з паўночнага захаду на паўднёвы ўсход. Пачынаецца ад скрыжавання з вуліцай Першамайскай, перасякае вуліцу Ленінскую і завяршаецца скыжаваннем з вуліцай Піянерскай на плошчы Арджанікідзэ.

На вуліцы размешчаны будынак тэлефонных сетак, жылыя 4-павярховыя дамы, на першым паверсе якіх размешчаны крамы.

№ 3 — Былы касцёл Св. Казіміра (пачатак ХVІІ (1604 год) — ХІХ стагоддзе) — Гісторыка-культурная каштоўнасць Беларусі, шыфр 513Г000007
Рэшткі Богаяўленскага манастыра (ХVІІ — ХІХ стагоддзі) у квартале, абмежаваным вуліцамі Першамайскай, Ленінскай, Болдзіна — Гісторыка-культурная каштоўнасць Беларусі, шыфр 513Г000008
№ 11 — 4-павярховы інтэрнат будтрэста № 12.

Фантан у скверы і будынак драматычнага тэатра

У 1965 г. на жылым доме № 11 была ўстаноўлена мемарыяльная дошка ў гонар І. В. Болдзіна.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.