Вёска Вельямовічы Краіна Беларусь Вобласць Брэсцкая Раён Брэсцкі Сельсавет Матыкальскі Каардынаты 52°13′19″ пн. ш. 23°25′55″ у. д. Першая згадка 1558 Насельніцтва ▼496 чал. (2009) Часавы пояс UTC+3 Тэлефонны код +375 162 Аўтамабільны код 1 Вельямовічы на карце Беларусі ±

Вельямовічы на Вікісховішчы

Вельямо́вічы^[1] (трансліт.: Vieĺjamovičy, руск.: Вельямовичи) — вёска ў Брэсцкім раёне Брэсцкай вобласці. Уваходзіць у склад Матыкальскага сельсавета. За 28 кіламетраў на паўднёвы захадзе ад Брэста, 7 кіламетраў ад чыгуначнай станцыі Лышчыцы, на аўтадарозе Воўчын-Брэст.

Гісторыя

Сяло вядомае з XVI ст — дзяржаўная ўласнасць у Берасцейскім павеце ВКЛ. Паводле «Кнігі запісаў» сяло Вельямовічы (Вільямовічы) ў 1558 г. размяшчалася каля возера і мела мяжу з выганамі маёнтка Бярніцкага і сёламі Таратунавічы, Памаранцы, Семянічкі. У 1772 г. вёска мела назву Вілановічы.

у 1868 г. 85 мужчын, 92 жанчыны. У 1886 г. — 29 двароў, 287 жыхароў, 2 праваслаўныя царквы, карчма. У 1905 г. сяло (546 жыхароў) і маёнтак (6 жыхароў) У 1941 г. — 86 двароў, 433 жыхары. Знішчана немцамі 18 двароў. Забіта 8 мірных жыхароў, 7 вывезеныя ў Германію, 4 вярнуліся дадому, 19 загінулі на фронце. У жніўні 1949 г. арганізаваны калгас імя Гастэлы, у які ўступілі 48 гаспадарак са 107. У 1997 г. — 185 двароў, 550 жыхароў.

Сярэдняя школа з'явілася ў 1863, клуб, бібліятэка і фельчарска-акушэрскі пункт (1946).

4 верасня 1972 года да Вельямовіч далучана вёска Сычыкі^[2].

Славутасці

• Спаса-Увазнясенская царква (1866—1869) —  Гісторыка-культурная каштоўнасць Беларусі, шыфр 113Г000074
• Сядзібна-паркавы комплекс Дабрынецкіх (XVI ст.) — захаваўся часткова.

Зноскі

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Вельямовічы