Васіль Сцяпанавіч Казакоў
1-ы міністр аховы здароўя Рэспублікі Беларусь[d]
17 ліпеня 1990 — 24 кастрычніка 1994
Пераемнік Інэса Міхайлаўна Драбышэўская
5-ы міністр аховы здароўя БССР
1990 — 1991
Папярэднік Уладзімір Сяргеевіч Улашчык
Нараджэнне 4 сакавіка 1935(1935-03-04)
Смерць 9 верасня 2018(2018-09-09) (83 гады)
Месца пахавання
Адукацыя
Дзейнасць урач, медыцынскі адміністратар, міністр аховы здароўя, галоўны ўрач
Месца працы
Узнагароды
Заслужаны ўрач Беларускай ССР

Васі́ль Сцяпа́навіч Казако́ў (4 сакавіка 1935, в. Усушак Чавускага раёна Магілёўскай вобласці — 9 верасня 2018[1]) — беларускі дзяржаўны дзеяч, першы міністр аховы здароўя незалежнай Беларусі з 1990 па 1994 год.

Біяграфія

Нарадзіўся 4 сакавіка 1935 года ў в. Усушак Чавускагаі раёна Магілёўскай вобласці. У 1959 годзе скончыў Мінскі дзяржаўны медыцынскі інстытут.

Пасля заканчэння Мінскага медінстытута вярнуўся ў родны рэгіён, дзе прайшоў усе прыступкі службовай лесвіцы — ад радавога ўрача да кіраўніка абласнога звяна. Чатыры гады працаваў тэрапеўтам Хоцімскай райбальніцы, яшчэ пяць гадоў — намеснікам галоўнага ўрача.

З 1965 па 1972 гады — узначальваў Касцюковіцкую райбальніцу. У 1972 яму прапанавалі пасаду намесніка загадчыка аддзела аховы здароўя Магілёўскага аблвыканкама, а затым 9 гадоў ён кіраваў гэтым аддзелам.

У 1987—1990 — намеснік міністра аховы здароўя БССР.

У 1990[2] — 1994[3] гг. — Міністр аховы здароўя Рэспублікі Беларусь.

З 1994 года — галоўны ўрач санаторыя-прафілакторыя «Свiтанак».

Пад рэдакцыяй В. Казакова выдадзены «Даведнік лекара агульнай практыкі» ў 2 тамах. Ён — аўтар шэрагу прац пра захворванні дзяцей у Беларусі пасля аварыі на ЧАЭС.

Зноскі

Літаратура

  • Беларуская энцыклапедыя. У 18 т. Т. 18, кн. 1. — Мінск, 2004.
  • Республика Беларусь : энциклопедия. [В 7 т.] Т. 3. — Минск. 2006.
  • Организаторы здравоохранения Республики Беларусь. — Минск, 2002.
  • Комиссары и министры здравоохранения Беларуси: историко-биографические сведения / И. В. Пантюк // Медицинские новости. — 2009. — № 7. — С. 4—10. — Сведения доступны также по Интернету: http://www.mednovosti.by/journal.aspx?article=4346.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.