Васіль Сцяпанавіч Забела
Міністр жыллёва-камунальнай гаспадаркі БССР сакавік 1949 — снежань 1949
Кіраўнік урада	Аляксей Кляшчоў
Папярэднік	І. М. Драгун
Пераемнік	С. А. Варно
Народны камісар камунальнай гаспадаркі БССР 1938 — чэрвень 1941
Кіраўнік урада	Кузьма Кісялёў Іван Былінскі
Папярэднік	С. А. Варно
Пераемнік	пасада скасаваная
Нараджэнне	20 мая 1901(1901-05-20) Кішчына Слабада, Барысаўскі павет, Мінская губерня, Расійская імперыя
Смерць	4 снежня 1949(1949-12-04) (48 гадоў) Мінск, БССР, СССР
Месца пахавання	Вайсковыя могілкі
Партыя	КПСС
Адукацыя	БПІ (1935)
Узнагароды

Васі́ль Сцяпа́навіч Забе́ла (20 мая 1901, в. Кішчына Слабада Барысаўскага павета — 14 снежня 1949, Мінск) — беларускі савецкі дзяржаўны і партыйны дзеяч.

Біяграфія

У 1922—1924 гадах служыў у Чырвонай Арміі. У 1924—1926 гадах — сакратар Брадоўскага сельсавета Барысаўскага раёна. У 1935 годзе ён скончыў Мінскі політэхнічны інстытут, пасля чаго знаходзіўся на партыйнай рабоце^[1] — быў інструктарам прамысловага аддзела ЦК КП(б) Беларусі, з 1936 года працаваў адказным кантралёрам Упаўнаважанага КПК пры ЦК УКП(б) па БССР.

У 1938 годзе быў прызначаны народным камісарам камунальнай гаспадаркі Беларускай ССР і заставаўся на гэтай пасадзе да пачатку Вялікай Айчыннай вайны. 

З 1945 года быў намеснікам старшыні Савета народных камісараў (міністраў) Беларускай ССР^[1], з 1949 года быў прызначаны міністрам камунальнай гаспадаркі Беларускай ССР.

Абіраўся дэпутатам Вярхоўнага Савета БССР (1947—1949).

Магіла Васіля Забелы

Памёр 14 снежня 1949 года, пахаваны на Вайсковых могілках Мінска.

Зноскі

Спасылкі

• Забелло Василий Степанович (руск.) // Праект «Партызаны Беларусі»