Біньямін Нетаньяху
іўр.: בנימין נתניהו
Сцяг17-ы прэм'ер-міністр Ізраіля
31 сакавіка 2009 — 13 чэрвеня 2021
Прэзідэнт Шымон Перэс
Рэўвен Рыўлін
Папярэднік Эхуд Ольмерт
Пераемнік Нафталі Бенет
Сцяг13-ы Прэм'ер-міністр Ізраіля
18 чэрвеня 1996 — 6 ліпеня 1999
Папярэднік Шымон Перэс
Пераемнік Эхуд Барак
Сцяг8-ы міністр па справах рэлігіі Ізраіля
18 чэрвеня — 7 жніўня 1996
Кіраўнік урада Біньямін Нетаньяху
Папярэднік Шымон Шытрыт
Пераемнік Элі Суіса
Сцяг18-ы міністр юстыцыі Ізраіля
18 чэрвеня — 4 верасня 1996
Кіраўнік урада Біньямін Нетаньяху
Папярэднік Яакаў Нееман
Пераемнік Цахі Ханегбі
Сцяг9-ы міністр навукі, культуры і спорту Ізраіля
18 чэрвеня 1996 — 9 ліпеня 1997
Кіраўнік урада Біньямін Нетаньяху
Папярэднік Бені Бегін
Пераемнік Міхаэль Эйтан
Сцяг13-ы міністр будаўніцтва Ізраіля
18 чэрвеня 1996 — 6 ліпеня 1999
Кіраўнік урада Біньямін Нетаньяху
Папярэднік Біньямін Бен-Эліэзер
Пераемнік Іцхак Леві
Сцяг17-ы міністр замежных спраў Ізраіля
6 лістапада 2002 — 28 лютага 2003
Кіраўнік урада Арыэль Шарон
Папярэднік Шымон Перэс
Пераемнік Сільван Шалом
Сцяг24-ы міністр фінансаў Ізраіля
28 лютага 2003 — 9 жніўня 2005
Кіраўнік урада Арыэль Шарон
Папярэднік Сільван Шалом
Пераемнік Эхуд Ольмерт
Нараджэнне 21 кастрычніка 1949(1949-10-21)[1][2][…] (74 гады)
Род Netanyahu family[d]
Імя пры нараджэнні іўр.: בנימין נתניהו[3]
Бацька Benzion Netanyahu[d]
Маці Цыля Нетаньяху (Сегаль)
Жонка 1) Міхаль (Мікі) Вейцман (Герэн)
2) Флор Кейтс
3) Сара Бен-Арцы
Дзеці Noa Roth[d], Yair Netanyahu[d] і Avner Netanyahu[d]
Веравызнанне Іўдаізм
Партыя
Член у
Адукацыя
Навуковая ступень магістр прыродазнаўчых навук[d] (1977)
Дзейнасць палітык, дыпламат, дзяржаўны дзеяч, ваенны, палітычны публіцыст, палітолаг
Навуковая дзейнасць
Навуковая сфера politics of Israel[d]
Аўтограф Выява аўтографа
Прыналежнасць Ізраіль
Род войскаў Армія абароны Ізраіля[d]
Званне Seren[d]
Бітвы
Узнагароды
Сайт netanyahu.org.il (іўрыт)
netanyahu.org.il/… (англ.)
netanyahu.org.il/… (ар.)
netanyahu.org.il/… (руск.)
Лагатып Вікісховішча Медыяфайлы на Вікісховішчы

Біньямін Нетаньяху (іўр. בנימין נתניהו Bīnyāmīn Nētanyāhū  — Бін'ямін Нэтан'ягу; нар. 21 кастрычніка 1949 года, Тэль-Авіў) — дзяржаўны і палітычны дзеяч Ізраіля. Прэм’ер-міністр Ізраіля ў перыяд з 1996 па 1999 год, прэм’ер-міністр Ізраіля з 2009 па 2021 год. Лідар партыі Лікуд (1993—1999 і з 2005). Тры разы займаў пасаду міністра фінансаў Ізраіля; 9 жніўня 2005 года сышоў з гэтай пасады ў адстаўку на знак пратэсту супраць ліквідацыі ізраільскіх паселішчаў у сектары Газа. У снежні 2005 года стаў лідарам апазіцыі ў Кнэсеце.

На выбарах у Кнэсет 18-га склікання партыя Лікуд заняла 2-е месца і атрымала 27 мандатаў у Кнэсеце. Першае месца заняла партыя Кадзіма, але лідару гэтай партыі Цыпі Ліўні не ўдалося сфармаваць урад, і прэзідэнт Ізраіля Шымон Перэс даручыў фарміраванне ўрада лідару Лікуда Біньяміну Нетаньяху. Нетаньяху з’яўляецца першым прэм’ер-міністрам Ізраіля, які нарадзіўся пасля абвяшчэння незалежнасці.

Паходжанне. Сям’я

Продкі паходзяць з Беларусі. Яго прадзед Натан Мілейкоўскі нарадзіўся ў мястэчку Крэве (цяпер Смаргонскі раён, Гродзенская вобласць). Жаніўся тры разы, першы раз з Міхаль Вейцман, ад яе мае дачку Ноа (нар. 29 красавіка 1978). У 1981 годзе развёўся з Міхаль і ажаніўся з Флор Кейтс. Яна з Брытаніі, не была яўрэйкай, але перад шлюбам перайшла ў іўдаізм. Трэцяй жонкай стала Сара Бен-Арцы. Яна нарадзіла Біньяміну дваіх сыноў: Яіра і Аўнера.

Дзяцінства і маладосць

Нарадзіўся ў Ізраілі ў горадзе Тэль-Авіў. Яго бацькі няверуючыя яўрэі. Маці — Цыля Сегаль (1912—2000). Тата — Бенцыён Нетаньяху (1910—2012) паходзіў з Варшавы (Прывіслініскі край, Расійская імперыя; цяпер Польшча). Яны мелі трох дзяцей. Біньямін быў другім дзіцём. Сям’я з 1956 па 1958 і зноў з 1963 па 1967 жыла ў ЗША ў ваколіцах Філадэльфіі (штат Пенсільванія). У маладосці служыў у войску дзяржавы Ізраіль, браў удзел у вайсковых аперацыях. Потым вучыўся ў ЗША, скончыў Масачусецкі тэхналагічны інстытут. Мае вышэйшую эканамічную адукацыю.

Пачатак кар’еры

Пасля заканчэння ВНУ працаваў у ЗША дарадцам у Бостанскай кансалтынгавай фірме. Вярнуўся ў Ізраіль, дзе ў 1978 заснаваў Інстытут імя Ёнатана Нетаньяху (названы ў гонар брата, які загінуў падчас антытэрарыстычнай аперацыі). З 1980 па 1982 працаваў камерцыйным дырэктарам у гандлёвай фірме ў Іерусаліме.

Дзяржаўная служба

З 1982 па 1984 гады служыў намеснікам пасла ў ЗША. З 1984 па 1988 гады Б. Нетаньяху быў прадстаўніком Ізраіля ў Сувязі аб’яднаных народаў. У 1993 годзе стаў старшынём партыі Лікуд.

Першы ўрад

У 1996 годзе перамог на выбарах і стаў самым маладым старшынём урада Ізраіля. Кіраваў з чэрвеня 1996 па ліпень 1999. У 1999 годзе з-за паражэння на выбарах (дзе перамог Эхуд Барак) пакінуў дзяржаўную службу.

Другі ўрад

Вярнуўся ва ўрад Ізраіля ў 2002 годзе, пасля таго як прэм’ер-міністрам стаў Арыэль Шарон. Б. Нетаньяху быў міністрам замежных спраў (2002—2003) і міністрам фінансаў (2003—2005). У 2005 годзе падаў у адстаўку. У тым жа годзе ўзначаліў партыю Лікуд з-за таго, што яе колішні старшыня А. Шарон перайшоў у партыю Кадзіма.

Трэці ўрад. Старшыня

10 лютага 2009 года на выбарах у Кнэсет Ізраіля партыя Лікуд перамагла. Б. Нетаньяху стаў старшынёй урада[4]. Займае гэтую пасаду і ў 2018 годзе; кіруе ўрадам даўжэй, чым усе іншыя прэм’ер-міністры ў гісторыі Ізраіля.

Погляды

Б. Нетаньяху лічыцца палітыкам правых поглядаў. З’яўляецца прыхільнікам захавання за Ізраілем земляў, што знаходзяцца паміж ракой Іардан і Міжземным морам. Выступае за адзіны і непадзельны Іерусалім, які павінен застацца сталіцай Ізраіля, за захаванне Ізраіля як нацыянальнай яўрэйскай дзяржавы. У той жа час пад яго кіраўніцтвам ва ўрадзе Ізраіля працавалі і працуюць неяўрэі (напрыклад, друз Аюб Кара).

Кнігі

  • International Terrorism: Challenge and Response‎ (The Jonathon Institute, 1980) (ISBN 0-87855-894-2)
  • Terrorism: How the West Can Win (Як дэмакратыі могуць перамагчы тэрарызм) (Farrar Straus & Giroux, 1986) (ISBN 0-380-70321-1)
  • A Place Among the Nations (Bantam, 1993) (ISBN 0-553-08974-9) (Месца пад сонцам Архівавана 25 ліпеня 2015. (руск.))
  • Fighting Terrorism: How Democracies Can Defeat Domestic and International Terrorism (Diane Pub Co, 1995) (ISBN 0-374-52497-1)
  • A Durable Peace: Israel and Its Place Among the Nations (Warner Books, 2000) (ISBN 0-446-52306-2)

Зноскі

  1. 1 2 חה"כ בנימין נתניהו — Кнесет.
  2. ↑ Benjamin Netanjahu // Brockhaus Enzyklopädie Праверана 9 кастрычніка 2017.
  3. ↑ מאחורי אשת הצללים: סיפור חייה של אם ראש הממשלה
  4. ↑ "Ізраіль выбірае парламент і прэм'ера". 10 лютага 2009. Праверана 18 снежня 2017. {{cite news}}: Невядомы параметр |выдавец= ігнараваны (даведка)

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.