Бяссцёкавае возера, возера, якое не мае паверхневага і падземнага сцёку. Найчасцей тралляецца ў абласцях унутранага сцёку стэпавай і паўпустынных зон і ў абласцях развіцця шматгадовай мерзлаты. Расход вады ідзе праз выпарэнне, таму ў засушлівым клімаце ў Бяссцёкавым возеры назапашваюцца мінеральныя солі. Прамысловая здабыча кухоннай солі вядзецца ў азёрах Эльтон і Баскунчак, соды ў Дародінскім возеры (Расія), мірабіліту ў Салёным возеры (ЗША) і інш.
Літаратура
- Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.