Бязвусікавыя насякомыя
Acerentomon sp.
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Скрытнасківічныя Атрад:  Бязвусікавыя
Міжнародная навуковая назва
Protura Silvestri, 1907
Падатрады
Sinentomata Acerentomata Eosentomata
Сістэматыка на Віківідах Выявы на Вікісховішчы ITIS   99210 NCBI   29999 EOL   7116

Бязвусікавыя насякомыя (Protura) — атрад членістаногіх класа скрытнасківічных.

Апісанне

Даўжыня 0,5—2 мм, цела членістае, чэрвепадобнае, малочна-белае або жаўтаватае. Ротавы орган сысучы, уцягнугы ў галаўную капсулу (энтагнатызм). Пярэднія грудныя ногі даўжэйшыя за астатнія, накіраваны ўперад, функцыянальна замяняюць вусіхі. У пярэдняй частцы брушка рудыментарныя 1—2-членікавыя канечнасці.

Арэал і экалогія

У сусветнай фауне каля 300 відаў, пашыраны амаль усюды; на Беларусі найбольш вядомы бязвусечнік еўрапейскі (Eosentomon transitorum). Жывуць у глебе, лясным подсціле, гнілых ствалах дрэў і пнях. Мяркуюць, што бязвусікавыя насякомыя высмоктваюць сокі з ніжэйшых грыбоў, кормяцца расліннымі і жывёльнымі рэшткамі.

Лічынкі падобныя да дарослых, метамарфоз зводзіцца да павелічэння колькасці брушных сегментаў.

Літаратура

• Бязвусікавыя насякомыя // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).