Брэсцкая і Кобрынская епархія
Свята-Сімяонаўскі сабор
Агульныя звесткі
Краіна Беларусь
Епархіяльны цэнтр Брэст
Заснавана 6 сакавіка 1839 (як вікарыяцтва)
сакавік 1941, 31 студзеня 1990 (як епархія)
Кіраванне
Кіруючы архірэй епіскап Брэсцкі і Кобрынскі Іаан (Хама) (з 7 кастрычніка 2002)
Кафедральны храм Свята-Сімяонаўскі сабор у Брэсце
Другі кафедральны храм Свята-Аляксандра-Неўскі сабор у Кобрыне
Статыстыка
Благачынняў 9
Прыходаў 203
Храмаў 224
Манастыроў 4
Святароў 230
Сайт pravbrest.by
Карта
Лагатып Вікісховішча Медыяфайлы на Вікісховішчы

Брэсцкая і Кобрынская епархія — епархія Беларускага экзархата Рускай праваслаўнай царквы, якая дзейнічае на тэрыторыях Брэсцкага, Бярозаўскага, Драгічынскага, Жабінкаўскага, Камянецкага, Кобрынскага, Маларыцкага і Пружанскага раёнаў Брэсцкай вобласці.

Гісторыя

Брэсцкая праваслаўная епархія была заснавана ў выніку Полацкага царкоўнага сабора 6 сакавіка 1839 года на тэрыторыях былой Брэсцкай уніяцкай епархіі (з 1828 года — у складзе Літоўскай уніяцкай епархіі як вікарыцятва).

22 студзеня 1840 года яе тэрыторыя ў якасці Брэсцкага вікарыяцтва ўвайшлі ў склад Літоўскай праваслаўнай епархіі, з 1900 года ўваходзіла ў асобную Гродзенскую епархію, якая ў 1922—1939 гадах дзейнічала ў складзе Польскай аўтакефальнай праваслаўнай царквы[1].

Падчас Вялікай Айчыннай вайны ў сувязі з перадачай часткі Палесся і Падляшша ў склад Рэйхскамісарыята Украіны з Гродзенскай епархіі была вылучана самастойная Брэсцкая епархія. У 1945 годзе яна была скасавана, а тэрыторыя ўключана ў Пінскую епархію. У 1952—1989 гадах епархія кіравалася непасрэдна мінскімі архіепіскапамі і мітрапалітамі.

Епархія адноўлена пастановай Сінода Беларускай праваслаўнай царквы ў 1990 годзе. З 1997 года пачалося выданне газеты «Духовный вестник», з 2002 года — часопіса «Брестские епархиальные ведомости». Станам на 1999 год, у склад епархіі ўваходзілі 9 благачынняў, 162 прыходы, 163 храмы і 18 капліц, дзейнічаў Свята-Афанасьеўскі манастыр[1].

2 снежня 2004 года Брэсцкая благачынная акруга была падзелена на Брэсцкае гарадское і Брэсцкае раённае благачынні. Па звестках 2005 года, епархія налічвала 167 прыходаў, у якіх служылі 181 святароў (165 святароў, 16 дыяканаў). У 2015 годзе меліся 4 манастыры, 191 прыход і 49 капліц[2].

Манастыры

У склад епархіі ўваходзяць чатыры манастыры:

Епіскапы

Брэсцкая епархія

Брэсцкае вікарыяцтва (Віленскай епархіі)

  • Міхаіл (Галубовіч) (28 студзеня 1840 — 1 сакавіка 1848).
  • Ігнацій (Жалязоўскі) (20 сакавіка 1848 — 27 чэрвеня 1870).
  • Яўген (Шарашылаў) (9 жніўня 1870 — 10 лютага 1875).
  • Уладзімір (Нікольскі) (16 сакавіка 1875 — 16 мая 1877).
  • Януарый (Вазнясенскі) (5 чэрвеня 1877 — 17 лютага 1879).
  • Данат (Бабінскі-Сакалоў) (27 мая 1879 — 14 мая 1881).
  • Аўрамій (Лятніцкі) (27 чэрвеня 1881 — 9 сакавіка 1885).
  • Анастасій (Апоцкі) (15 мая 1885 — 17 лістапада 1891).
  • Іосіф (Сакалоў) (15 снежня 1891 — 24 мая 1897).
  • Іаакім (Лявіцкі) (24 мая 1897 — 13 студзеня 1900).

Брэсцкае вікарыяцтва (Гродзенскай епархіі)

Брэсцкая епархія

  • Паісій (Абразцоў) (8 верасня 1944 — 27 лютага 1945).
  • Анісіфар (Панамароў) (27 лютага 1945 — кастрычнік 1945).
  • Васіль (Ратміраў) (1946).
  • Паісій (Абразцоў) (3 чэрвеня 1948 — 13 снежня 1949).
  • Піцірым (Свірыдаў) (13 студзеня 1951 — 21 красавіка 1959).
  • Гурый (Ягораў) (21 мая 1959 — 19 верасня 1960).
  • Лявонцій (Бондар) (19 верасня 1960 — 16 сакавіка 1961).
  • Антоній (Крацэвіч) (16 сакавіка — 5 ліпеня 1961).
  • Варлаам (Барысевіч) (5 ліпеня 1961 — 4 жніўня 1963).
  • Нікадзім (Ротаў) (4 жніўня 1963 — 9 кастрычніка 1963).
  • Сергій (Пятроў) (9 кастрычніка 1963 — 25 мая 1965).
  • Антоній (Мельнікаў) (25 мая 1965 — 10 кастрычніка 1978).
  • Філарэт (Вахрамееў) (10 кастрычніка 1978 — 31 студзеня 1990).

Брэсцкая і Кобрынская епархія

Благачынныя акругі

Зноскі

  1. 1 2 Брэсцкая праваслаўная епархія // Рэлігія і царква на Беларусі : Энцыкл. давед. / Рэдкал.: Пашкоў Г.П. (гал.рэд.) і інш.; Маст. Глекаў А.А. — Мн.: БелЭн, 2001. — 365 с. — ISBN 985-11-0220-2. — С. 54
  2. ↑ Юркевіч Ж. В. 22 студзеня 2015 г. – 175 гадоў з часу ўтварэння (1840) Брэсцкай епархіі Беларускай Праваслаўнай Царквы. — Брэсцкая цэнтральная гарадская бібліятэка, 24 лютага 2015. (бел.)

Літаратура

  • Орловский Е. Ф. Судьбы Православия в связи с историей латинства и унии в Гродненской губернии в XIX ст. (1794—1900). — Гродно: Губернская типография, 1903. — 604 с.
  • Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.
  • З гiсторыi Брэсцкай епархii // Беларускi Праваслаўны каляндар на 2000 г. Минск, 1999. — С. 115—118.
  • Кулаженко Л. Е.. Брестское викариатство // Православная энциклопедия. — М.: Церковно-научный центр «Православная энциклопедия», 2003. — Т. VI. — С. 245-246. — 752 с. — 39 000 экз. — ISBN 5-89572-010-2.
  • Кулаженко Л. Е.. Брестская и Кобринская епархия // Православная энциклопедия. — М.: Церковно-научный центр «Православная энциклопедия», 2003. — Т. VI. — С. 236-238. — 752 с. — 39 000 экз. — ISBN 5-89572-010-2.
  • Mironowicz A. Przynależność diecezjalna Brześcia do końca XVI wieku // Białoruskie Zeszyty Historyczne. — Białystok 2007. — nr 27. — s. 5-16.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.